Maamulka Gobolka Bakool iyo Taliska Guutada 9-aad ee Ciidanka Xoogga Dalka Soomaaliyeed ayaa lagu wareejiyay deeq raashin ah, taas oo loogu talagalay in lagu taageero agoonta ciidamada iyo dadka rayidka ah ee nugul ee ku nool gobolka.
Deeqdan ayaa qeyb ka ah dadaallada lagu garab istaagayo qoysaska danyarta ah iyo dadka u baahan taageerada bulshada, gaar ahaan qoysaska ay saameeyeen xaaladaha amni iyo nololeed ee ka jira qaybo ka mid ah Gobolka Bakool.
Guutada 9-aad ee Qeybta 60-aad ayaa ka howlgasha gobolka, iyadoo ciidamadu ay sidoo kale door ku leeyihiin sugidda amniga iyo howlgallada ka dhanka ah Al-Shabaab.
Mas’uuliyiinta maamulka iyo saraakiisha ciidamada ayaa tilmaamay muhiimadda ay leedahay in la garab istaago qoysaska ciidamada iyo dadka nugul, iyadoo deeqaha noocan ah ay wax ka tari karaan baahiyaha nololeed ee bulshada.
**Deeqdan ayaa kusoo beegmaysa xilli Gobolka Bakool uu weli wajahayo caqabado amni iyo kuwo bani’aadannimo, taas oo sare u qaadaysa
