Golha Badbaadada Koofur Galbeed oo ku kulmay Maanta Magaalada Baydhabo ayaa sheegay in todobaadkii hore Ciidamada booliska Koofur Galbeed ay Suuqa Xoolha ku weerareen dad xoola iib ah keensaday iyagoo sheegay in ay halkaasi dad iyo duunyaba ay ku dhaawacmeen sida uu yiri Af-hayeenka Golaha Bashiir Maxamed Aadan(Bashiir Xabashoow)
Aadan Maxamed Nuur Aadan Saransoor oo ah Gudoomiye ku xigeenka Golaha oo isna hadlay ayaa markii ugu horaysay sheegay in Golaha uu aqoonsanyahay jiritaanka Maamulka Koofur Galbeed isla markaana Shariif Xasan Sheekh Aadan uu yahay Madaxweynaha ku meel Gaarka Koofur Galbeed taasna ay tahay midda uu Golahaba uu ku noqonaya shacabka uu Shariif Xasan ka yahay Mas uul.
Waxaa uu gudoomiye ku xigeenka Goloha badbaadada baaq iyo su aal u diray Dowladda Dhexe Mas uuliyiineeda ugu saraysa taasoo uu ku sheegayo in madaxweynaha koofur galbeed uu ugu sameeyay xadgudub iyagana ay moogyihiin kadina uu ugu baaqay haddii ay ku guul dareesteen in ay shacabka Koofur Galbeed ka duwaan Shariif Xasan Sheekh aadan ay tooda u u keedaaan.
Golaha ayaa kulma todobaad walba manta oo kale oo sabti ah waxayna kulamadooda ku soo qaateen inta badan dhaliilaha iyo habacsanaata dowlada Koofur Galbeed ee todobaadkii tegay loo tiriyay in ay ka dhaceen, waxayna uga gol leeyihiin maadaama uu Goluhu yahay mid ku dhisan mucaaradad aan hubaysnayn in ay Afka ku badalaan Maamulka hanaaka uu ku shaqeeyo ee uu Goluhuna u ololaynaya in la haagjiyo iyadoo isbadalkana lagu keenayo qaab siyaasadeed degan oo ku dhisan Dimoqraadiyad iyo Xoriyad.
