Magaalada Baydhabo ee Xarunta Gobolka Baay ayaa waxaa gelinkii dambe ee shalay ku geeriyooday Xildhibaan ka tirsan Baarlamaaanka Koonfur Galbeed.
Allaha u naxariistee Xildhibaanka geeriyooday ayaa waxaa lagu magacaabi jiray Yuusuf Cabdinuur, isagoo la sheegay in maalmihii lasoo dhaafay uu xanuunsanaa.
Guddoomiyaha Baarlamaanka Koonfur Galbeed Soomaaliya Cali Saciid Fiqi ayaa tacsiyo tiiraayo le udirey dhamaan ummada reer Koonfur Galbeed gaar ahaan Ehladii iyo qoyskii uu ka dhintay Xildhibaan Yuusuf Cabdinuur.
“Aniga oo ku hadleya Magaceyga kan Xildhibaanada Baarlamanka Koonfur Galbeed iyo Madaxweynaha Dowlad Goboleedka Koonfur Galbeed, waxaan halkan tacsiyo ugu direyaa qoyskii uu ka geeriyoodey iyo umadda reer KG Xildhiban Yuusuf Abdinuur oo ka Mid ahaa Xildhibanada KG” ayuu yiri Guddoomiye Fiqi.
“Waxaan Illahay uga bariyeynaa in jannadii Fardowso uu ka waraabiyo anagana gadaashiisa uusan na fidneynin” ayuu sii raaciyay hadalkiisa Guddoomiye Cali Fiqi.
