Deegaan quruxsan oo loo dalxiis tago ayuu eebbe ku galaday dalka Soomaaliya kaasoo leh dur duro biyo ah duur jiq ah oo leh noocyo kala duwan oo geedo ah iyo ilo biyoodyo qulqulaya oo nag caaws leh kaasoo ku wanaagsan dalxiiska ioyo tamash laha.
Dunida sanad walba 27ka September waxaa laga xusaa maalinta dalxiiska aduunka oo sanad waliba wata halkudhig lagu asteynayo maalintan.
Sanadkan labada kun labaatan iyo koowda waxaa halku dhig looga dhigay dalxiiska waa horumarkakaaga oo dalba dalka uu ka dalxiis badanyahay ayuu dhaqaale roonyahay.
Dowlad goboleedka konfurgalbeed, wasaaradeeda Bii’ada iyo duurjoogta dowlada Goboleedka waxaa ay ku qabatay hoolka shirarka Wasaaradda munaasabad lagu weyneynayo maalinta dalxiiska aduunka kaasoo ay ka soo qeebgaleen wasiiro, Xildhibaano, ururada u dooda dhoowrista iyo ilaalinta deegaanka iyo marti sharaf kale oo munaasabadda lagu casuumay.
Cabdirashiid Isaaq Xasan oo ah agaasimaha waaxda Dalxiiska Wasaaradda Bii’ada iyo duurjoogta DGKGS, ayaa munaasabadda furitaankeedii sharaxaad ka bixiyey maalinta dalxiiska aduunka kaalinta ay kaga jirto Dowlada goboleedka iyo goobaha dalxiiska leh eek u yaala saaxada dhuleed ee dowlad goboleedka ee ugu ilqabadka wacan magaalooyinka Koonfur galbeed ee u baahan maalgashi iyo ka shaqeeysiin si dakhli looga abuuro.
Cabduqaadir Nuur Abbuu waa lataliye sare wasaaradda Deegaanka Koonfur Galbeed isla markaan ah khabiir dhanka deegaanka waxaa uu munaasabadda kaga hadlay hodanimada dhulka ee dhanka dalxiiska iyo sida looga faa;ideeysan karo marka ay dowladda iyo bulshadaba ka wada shaqeeyaan badqabka deegaanka iyo u diyaarinta dalxiis loo soo tamashla tago.
Xildhibaan xasan Cali, iyo Xi;ldhibaan Idiris Yacquub oo labadaba ka tirsan Baarlamaanka Dowlad Goboleedka KGS, ayaa labadaba waxaa ay ku cabireen hadalkooda kaalinta dalxiiska uu kaga jiro horumarka Dowlad Goboleedka dhinacyada amniga isdhexgalka bulshada iyo sare u qaadidda dhaqaalaha dowlad goboleedka.
Wasiir ku xigeenka Wasaaradda Bii’ada Iyo Duurjoogta Dowlad Goboleedka KGS, ahna kusimaha wasiirka Wasaaradda Bii’ada iyo duurjoogta oo gaba gabadii munaasabada khudbadiisa jediyey ayaa uu diiradda ku saaray wasaaradda sida ay ahmiyad u siisay dalxiiska iyo gebi ahaanba deegaanka iyo fayaqabkiisa taasoo mudadii ay jirtay wasaaradda ay gaartay hadafyo badan oo ay ka mid tahay qabashada munaasabaddan maalinta dalxiiska aduunka.
Xuskan maalinta dalxiiska aduunka ee 27ka September sanadkan ayaa ku soo adaaya xili dad badan oo ganacasato ah ay ka hirgaliyeen magaalooyinka KGS, goobo dalxiis oo bulshada gudaha dalka ay ku qaataan fasaxyadooda kuwaasoo kaalin ka qaatay helista meelo lagu nasto oo ay kuwada kulmaan asxaab istabtay shaqo iyo mashquul kala geeyey ee goobaha dalxiis ee laga hirgeliyey magaalooyinkooda fursad u noqotay in ay is arkaan wada jirna u dalxiisaan.