Qarax xooggan oo geystey khasaaro isugu jira dhimasho iyo dhaawac ayaa xalay ka dhacay baar lagu caweeyo oo ku yaal magaalada Kismaayo.
Wararka ayaa waxa ay sheegayaan in qaraxan oo ahaa nooca miinada dhulka lagu aaso uu ka dhacay Baar ku yaal xeebta magaalada Kismaayo iyadoo ay ku dhinteen labo ruux halka toddobo kalana ku dhaawacmeen.
Dadka waxyeelada ka soo gaartay qaraxan ayaa ahaa dadkii ku caweynayay baarka oo u badnaa dhalinyaro,
Magaalada Kismaayo ee xarunta kumeelgaarka ah ee Maamulka Jubaland ayaa waxaa hore uga dhacay qaraxyo lala beegsado baararka iyo maqaayadaha habeenkii lagu caweeyo.
