Ra’iisal wasaaraha Xukuumadda Federaalka Soomaaliya Maxamed Xuseen Rooble ayaa ka tacsiyeeyay Geerida ku Timid Sheekh Shariif Sheekh Muxayadiin Celi.
Ra’iisul Wasaare Rooble ayaa qoyskiisa iyo guud ahaan Ummadda Soomaaliyeed uga tacsiyeynayaa geerida Allaha u naxariistee Sheikh Shariif Sheikh Muxyadiin Celi.
Rooble oo soo saaray Qoraal ayaa Sheikha Alle uga baryay in uu Jannadii Firdows ugu deeqo ehelkiisa, asxaabtiisii iyo Ummadda Soomaaliyeedna uu samir iyo iimaan ka siiyo.
“Waxaan qoyskiisa iyo guud ahaan Ummadda Soomaaliyeed uga tacsiyeynayaa geerida Allaha u naxariistee Sheikh Shariif Sheikh Muxyadiin Celi oo Miqdisho ku geeriyooday Allaha u naxariistee Sheikhu waxa uu ka mid ahaa culimada waaweyn iyo aqoonyahanka dalka ee kaalinta weyn ku lahaa faafinta diinta islaamka, nabadda iyo wacyigelinta bulshada. Waxaan Allaha weyn uga baryayaa in uu Jannadii Firdows ugu deeqo ehelkiisa, asxaabtiisii iyo Ummadda Soomaaliyeedna uu samir iyo iimaan ka siiyo. Ayuu yiri RW Rooble”
Sheekha ayaa waxaa uu ahaa caalim lagu yaqaanay faafinta Diinta, sidoo kalena waxaa uu mar soo noqday xilligii sagaashameyadii Guddoomiyihii guud ee hirgelinta Shareecada Islaamka ee Waqooyiga Muqdisho.
Sheekh Shariif Sh. Muxyaddiin Celi ayaa da’diisu aheyd 88 sanno, isagoo dhashay sanadkii 1934. Allaha u naxariisto Sheekha ayaa ahaa hoggaamiyaha Jameecada Sheekh Muxyaddiin Celi ee duruqu Suufiya ee Al-qaadiriya.
