Maxkamada darajada 1aad ee ciidanka Qalabka sida qeybta 27aad ayaa bilowday dhageysiga dacwad loo heysto 10 eedeysane oo isugu jira askarta iyo kuwa isaga tagay ciidanka.
Askartaan ayaa laba kamid ah lagu soo eedeeyay inay si bareer ah Magaalada Beledweyne ee Xarunta Gobolka Hiiraan ugu fileen Nin lagu Magacaabi jiray Cabdirashiid Cabdi Mahad-Alle.
Xeer ilaaliyaha Maxkamadda Maxkamada darajada 1aad ee ciidanka Qalabka sida qeybta 27aad Gaashaanle Xasan Siyaad (Tarsan) ayaa sheegay in labadaan Askari, iyaga oo isticmaalay waxyaabaha maanka dooriya ay dilkaasi geysteen, wuxuuna ka codsaday Maxkamadda in labadaan ragga ah lagu xukumo ciqaab u qalanta dambiyada ay galeen.
Dhinaca kale Xeer ilaalinta Maxkamadda Ciidamada Qalabka sida qeybta 27aad ayaa Maxkamadda horgeeysay dambiyada lagu soo eedeeyay 8 kale ee Askari, iyada oo dalbatay in baaritaan dheer lagu sameeyo.
Guddoomiyaha Maxkamada Ciidamada Qalbka sida qeybta 27aad Gaashaanle Maxamed Amiin oo fadhiga Maxkamadda soo xiray ayaa sheegay in kiisaska Askartaan ay Maxkamadda go’aan kasoo saari doonto.