London) 31 Dis 2017 Goolhaye Ederson ayaa guul daro ka badbaadiyay kooxdiisa Manchester City, kadib markii uu badbaadiyay gool ku laad loo dhigay Crystal Palace waqtigii dhimashada.
Ciyaartoyda City ayaa si dar dar leh ku soo galay ciyaarta, balse Crystal Palace ayaa kala hortagtay daafac adag.
Gabriel Jesus ayaa dhaawac looga saaray garoonka isaga oo oynaya qaybtii hore, Aguero ayaana soo galay badalkiisa, kaas oo kooxda ka khasaariyay fursado dhawr ah.
Qaybtii hore ayaa lagu kala nastay 0-0.
Qaybtii labaad, Ciyaartoyda City oo ay ka go’nayd inay gaaraan guushoodii 19-aad oo xiriir ah ayaa laba jibaartay weerar kooda.
Halka ciyaartoyda Palace ay iska khasaariyeen fursado badan oo ay ku qaban kareen hogaanka, Benteke ayaana ka khasaariyay fursadii ugu halis sanayd.
Dhamaadkii ciyaarta, garsooraha ayaa gool ku laad u dhigay Crystal Palace kadib qalad uu galay Sterling, Luka Milivojevic ayaa ka khasaariyay kooxdiisa kadib markii uu badbaadiyay goolhaye Ederson.
Kevin De Bruyne ayaa bareelo looga qaaday garoonka kadib markii si xun loo jilaafay, waxaana loo badinayaa inuu soo gaaray dhaawac halis ah.
0-0, Crystal Palace
Writting by Ahmed mustaf Ali
