Guddiga Gurmadka Fatahaadaha Dowlad Goboleedka Hirshabeelle ayaa maanta kulan la qaatay Hay’addaha Samafalka ee ku sugan Magalaada Beledweyne.
Kulanka Gudiga Fatahaadaha iyo Hay’adaha Samafalka waxaa sidoo kale Aalada fogaan aragga kala soo qeybgalay Hay’addaha Caalamiga ah ee ka shaqeeya Samafalka iyo arrimaha bini’aadanimada iyagoo ka arrinsaday xaalada fatahaaadaha ee ka jirta Magaalada Beledweyne iyo sidii loogu gurman lahaa dadka ay saameeyeen Fatahaada Wabiga Shabeelle.
Guddiga Gurmadka Fatahaadaha ayaa tilmaamay in xaalad bini’aadanimo oo daran ay ka jirto Magaalada Beledweyne waxa ayna sheegeen in loo baahan yahay gurmad qaran si loo samatabixiyo dadka guryahooda ka soo barakacay iyadoo kulankaan uu goob joog ka ahaa Gudoomiyaha Hay’adda Maareynta Musiibooyinka Qaranka Mudane Maxamuud Macalin Cabdulle.
