Xafiiska Xeer Ilaaliyaha Guud ee Qaranka ayaa shaaciyey inuu gacanta ku hayo in ka badan 250 kiis oo la xiriira lacag dhaqid iyo dhaqaale sida la sheegay ay leeyihiin AS.
War-saxaafadeedka laga soo saaray xafiiska ayaa lagu sheegay in meesha laga saarey shabakad isku xiran oo lacagaha u aruurin jiray AS, kuwaasi oo isticmaalay in ka badan 3500 akoon.
“Waxaan xanibnay lacag dhan HAL MILYAN oo doolar, halka NUS MILYAN oo doolar loo wareejiyey dowladda si sharciga waafaqsan” ayaa lagu yiri qoraalka Xeer Ilaalinta
Sidoo kale, Xafiiska Xeer Ilaalinta ayaa xaqiijiyay in Maxkamadaha Awoodda u leh la horgeeyay in ka badan 13 shaqsi oo ku eedeysan lacag dhaqid iyo in ay dhaqaale u kala wareejiyeen AS.
“Waxaa jira dad eedeysaneyaal ah oo ku maqan dibadda, iyada oo la kaashanayo Booliiska Interpol ayaan gacanta ku soo dhigeyna” ayaa lagu yiri qoraalka Xeer Ilaalinta.
Ugu dambeyn, Xafiiska ayaa ugu baaqey Bulshada Soomaaliyeed in ay ka feejignaadaan lacag dhaqida oo sharci darro ku ah caalamka.
Hoos ka akhriso War-saxaafadeed.
