Warsan Radio

Samiira Ducaale waa gabar Soomaaliyeed oo ku dhalatay kuna soo barbaartay dalka Ingiriiska (UK). Waxa ay ka mid tahay dadka baahiyaha gaarka ah qaba, waxa ay naafo ka tahay maqalka. Markii ay ku soo laabatay dalka, waxa ay si dhow uu la kulantay caqabadaha iyo baahiyaha ay la tacaalayaan ardayda maqalka naafada ka ah, kuwaas oo aan helin fursado waxbarasho oo la mid ah kuwa ay helaan ardayda kale ee aan naafada ahayn.

Samiira waxa ay si qoto dheer u baadhay caqabadahaasi, iyada oo si gaar ah uga dam-qatay in waalidiinta Soomaaliyeed badankood aysan aaminsaneyn in carruurtooda maqalka naafada ka ah ay waxbaran karaan, taas oo sababtay in carruurtaasi lagu hayo guryaha, iyada oo fursad kasta oo waxbarasho ka xiran tahay.

Labo sanno iyo bar ka hor,Samiira waxay go’aansatay in ay ka hadasho caqabadaha haysta dadka maqalka ka naafada ah, waxayna bilowday olole ay ugu hiillinayso ardaydaas. Waxa ay diyaarisay buug si gaar ah loogu talo galay baridda afka Soomaaliga iyada oo la adeegsanayo farsamada suul-dhabbaleynta (sign language).

Samiira waxay sheegtay in ay buuggaas la wadaagtay Wasaaradda Waxbarashada Soomaaliya, si loogu daro manhajka rasmiga ah ee dalka.

“Waxaan u tegay Wasaaradda Waxbarashada, waxaanan u sharraxay fikraddayda iyo buuggan aan qoray iyo in loo baahan yahay in manhajka lagu darro.”

Iyada oo aan  helin taageero rasmi ah, haddana maanta Samiira waxay gacanta ku heysaa waxbaridda in ka badan afartan (40) arday oo maqalka naafo ka ah, kuwaas oo ay si bilaash ah waxa u barto. Waxay sheegtay in ay jiraan arday kale oo doonaya in ay waxbartaan, balse aysan awoodin in ay qabato, sababo la xiriira goobta waxbarasho oo aan ku filneyn iyo macallimiinta oo ku yar.

Sida ay noo sheegtay waxay jeebkeeda ka bixisaa mushaharka macallimiinta, kirada goobta waxbarashada, iyo qarashaadka gaadiidka ee ardayda guryahooda lagu geeyo.

Dhanka kale waxa ay sheegtay in buugga ay qortay xitaa qoysasku baran karaan si ay xidhiidh toos ah ula yeeshan ilmahooda maqalka naafada ka ah.

Samiira sido waxa waxa ay sheegtay in uu dhib weyn ka heyto isfahanka bulshada iyo la xiriirkooda.

“Dhibku wuxuu ka jiraa meel kasta oo bulshadu isugu timaaddo. Ma jiro turjubaan,waana muhiim in la helo qof fahmaya dadka maqalka naafada ka ah,  sida maxkamadaha, saldhigyada booliska, baarlamaanka, iyo qaybaha kale ee bulshada.”

Farhiya Muraad, Bilan Media

Qaar ka mid ah xujeyda Soomaaliyeed ee sanadkan 1446 Hijriya ayaa si nabad ah u gaaray dalka Sucuudiga, halkaas oo si diirran loogu soo dhaweeyay.

Sanadkan, tirada guud ee xujeyda Soomaaliyeed ayaa lagu qiyaasay 11,500 oo ruux, kuwaas oo ka ambabaxaya garoomada diyaaradaha magaalooyinka waaweyn ee dalka, iyadoo socdaalkooda xajka uu socon doono ilaa 31-ka May.

Wasaaradda Awqaafta iyo Arrimaha Islaamka ee Xukuumadda Federaalka Soomaaliya ayaa, iyadoo kaashaneysa Guddiga Xajka iyo Safaaradda Soomaaliya ee Sucuudiga, dadaal ugu jirta in xujeyda Soomaaliyeed ay si habsami leh u gutaan waajibaadkooda xajka ee sanadkan.

Mas’uuliyiinta howlgalka xajka ayaa tilmaamay in sannadkan la dardargeliyay adeegyada loo fidinayo xujeyda, si ay ugu gutaan cibaadadooda si nabadgalyo iyo fudayd leh.

Xildhibaanada Golaha Shacabka Baarlamaanka Soomaaliya ayaa maanta yeelanaya kulankoodii caadiga ahaa, kaasi oo ajandihiisu yahay akhrinta koowaad ee Heshiiska lagu dhisay Urur Goboleedka Horumarinta (IGAD).

Kulankan ayaa imaanaya kadib markii ay baaqdeen laba fadhi oo xiriir ah kuwaasi oo aan u qabsoomin sababo la xiriira kooram la’aan iyo Xildhibaanada oo waayey wado ay usoo maraan Xarunta Golaha kadib markii daadad ka dhashay Roob xoogan oo ka da’ay muqdisho ay jareej Wadooyin muhiim u ah isku socodka Caasimada.

Maanta ayaa la filayaa in kulanka uu si rasmi ah u furmo iyadoo mudanayaashu ay ka doodi doonaan heshiiska muhiimka ah ee IGAD oo saldhig u ah iskaashiga dalalka Geeska Afrika.

Heshiiska IGAD, oo ah mid lagu aas-aasay iskaashi dhanka horumarinta, nabadda, iyo xasiloonida gobolka, ayaa u baahan in Baarlamaanka Soomaaliya uu u ansixiyo si rasmi ah si Soomaaliya uga mid noqoto dalalka sida buuxda uga faa’iideysta barnaamijyada iyo mashaariicda ururkaasi.

Xildhibaanada ayaa lagu wadaa in ay akhristaan qodobada heshiiska, isla markaana ay bilaabaan falanqeyn hordhac ah oo ku saabsan saameynta uu ku yeelan karo danaha qaranka, gaar ahaan dhinacyada dhaqaalaha, amniga, iyo arrimaha siyaasadda gobolka.

Kulanka maanta ayaa ah mid si weyn loo sugayay, iyadoo shacabka iyo daneeyeyaasha siyaasadeed ee dalka ay indhaha ku hayaan sida uu Baarlamaanku uga falceliyo heshiiska IGAD iyo doorka Soomaaliya ee ururkaasi.

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa xafiiskiisa ku qaabilay Danjiraha Qatar ee Soomaaliya, Dr Abdullah Bin Salem Al Nuaimi, oo ay ka wada hadleen xoojinta xiriirka iskaashi ee u dhaxeeya labada dal ee walaalaha ah ee Soomaaliya iyo Qatar.

Ra’iisul Wasaaraha iyo Danjiraha ayaa ka wada hadlay sidii dowladda Qatar ay uga taageeri lahayd dowladda Soomaaliya arrimaha amniga, horumarka iyo hirgalinta Qorshaha Isbeddelka Qaranka (NTP 2025 -2029).

Ra’iisul Wasaare Xamsa, ayaa uga mahadceliyey xiriirka soo jireenka ah iyo taageerada joogtada ah ee dowladda Qatar ay siiso Soomaaliya, gaar ahaan kaabayaasha dhaqaalaha iyo horumarinta adeegyada asaasiga ah sida waxbarashada iyo caafimaadka.

Danjiraha dowladda Qatar, ayaa xusay in ay sii wadi doonaan taageerada dhinacyada kala duwan leh ee ay mar walba la garab taagan yihiin dowladda iyo shacabka Soomaaliyeed.

Ciidanka Daraawiishta ee dowlad goboleedka Koonfur Galbeed oo garab ka helaya Guutada 8-aad ee ciidamada Xoogga Dalka Soomaaliyeed ayaa howlgal qorsheysan ka fuliyay tuulooyin hoostaga deegaanka Deynuunaay, oo ku yaalla gobolka Baay.

Howlgalkaan oo si taxadar leh loo qorsheeyay ayaa lagu bartilmaameedsaday saldhigyo iyo fariisimo ay kooxda argagixisada ah ee Al-shabaab ku lahaayeen duleedka deegaankaas. Saraakiisha hoggaaminaysay hawlgalka ayaa sheegay in weerarka lagu dilay tiro badan oo ka tirsan maleeshiyaadka Al-shabaab, halka tiro kalena ay ku dhaawacmeen, kuwa kalena ay goobta ka firxadeen.

Intii uu socday howlgalka, ciidamada ayaa burburiyay goobo muhiim ah oo ay Al-shabaab u adeegsan jireen xarumo tababar, kayd hub iyo saldhigyo istiraatiiji ah. Waxaa sidoo kale la sheegay in lagu guuleystay in gacanta lagu dhigo agab ciidan iyo dukumeenti muujinaya qorshayaal ay kooxdaasi damacsanayd in ay ku dhibaateeyaan shacabka deegaanka.

Saraakiisha ciidamada Daraawiishta Koonfur Galbeed ayaa sheegay in howlgalkan uu qeyb ka yahay dadaallada joogtada ah ee lagu xoreynayo deegaannada weli gacanta ugu jira kooxaha argagixisada. Wuxuu intaasi ku dareen in ciidamada ay wadaan baaritaanno dheeri ah si loo xaqiijiyo amniga guud ee gobolka.

Saddex sanno ka hor, koox yar oo leh yool weyn ayaa isugu timid xafiis yar. Waxa ay wadaageen riyo kaliya; in ay cod siiyaan kuwa aan codka la siinin oo ay dunida la wadaagaan sheekooyinka muhiimka ah, mana aysan ogeyn halka uu safarkoodu ku dambeyn doonno.

Hammigooda waxa uu ahaa mid cad bilowgii, kaas oo ahaa in ay soo saaraan warbixino mug leh oo gaadhaa bulshada Soomaaliyeed iyo dhagaystayaal caalamka . Riyadii maalinkii ayaa maanta isu beddeshay madal warbaahineed oo awood leh oo saameyn weyn ku leh gudaha iyo dibadda Soomaaliya.

Muddo saddex sanno gudaheed ah, kooxda Bilan waxa ay soo saartay boqolaal warbixinno, muuqaallo, iyo barnaamijyo kala duwan. Shaqadoodu waxa ay taabanaysaa arrimo muhiim ah sida; arrimaha  bulshada, isbeddelka cimilada, xaaladaha bini’aadantinimo, cadaaladda, dhaqanka, hal-abuurka, xuquuqda aadanaha, horumarka, siyaasadda, arrimaha haweenka iyo dhallinyarada.

Waxa ay soo tebiyeen in ka badan 300 oo sheeko, kuwaas oo isugu jira kuwo aan hore loo tebin iyo kuwo saameyn leh, sida dadka la takooro ee la nool xanuunka   HIV, nolosha dadka qaba xanuunka baraska/barasta (albinism), dhibaatada mukhaadaraadka iyo daroogada, hooyooyin kiraysta carruurta si ay u tuugsadaan, wacyigelinta  gabdhaha yar yar ee xilliga qaan ku jira ee iskuulayda ah.

Sheekooyinkan waxa ay gaadheen dhegaystayaasha caalamka iyada oo loo marayo iskaashiga ay Bilan media la leedahay warbaahinta caalamiga ah sida; BBC News, The Guardian, El País, The Missing Perspectives, The New Humanitarian, Avvenire iyo kuwo kale oo badan.

Dhanka kale Bilan waxa ay ku guuleysatay abaalmarinta caalamiga ah ee One World Media Press Freedom  Award, waxaana sidoo kale loo magacaabay (nominated) abaalmarinta Xorriyadda Hadalka ee Index on Censorship iyo Abaalmarinta Xuquuqda Aadanaha ee Caalamiga ah ee Nuremberg.

Sidoo kale, Tifatiraha Guud ee Bilan — Hinda Abdi Mohamoud — waxaa loo aqoonsaday mid ka mid ah liiska boqolka haween ee ay soo saarto BBC 100 women list 2024, liiskan ayaa lagu sharfaa haweenka saameynta ku leh dunida.

Dad karti leh ayaa kusoo biiray Bilan media  oo horumar xirfadeed ku sameeyay. Qaar ayaa safarkooda ku bilaabay si tababaro (internship) ah, balse maanta waxa ay yihiin shaqaale joogto ah.  tusaale ahaan, Ifrah Isse,  waxa ay ku bilowday tababar, haddana waa  Madaxa Isgaarsiinta iyo Warbaahinta Bulshada.

“Waxa aan ku soo bilaabay tababar Bilan media , maanta waxaan ahay shaqaale rasmi ah, waxaanan, maamulaha Isgaarsiinta iyo baraha Bulshada.” Ifrah Isse

Xubnaha kale ee kooxda sida Sadia Nuur iyo Farhio Murad, ayaa iyaguna ka hadlay safarkooda;

“Waxa aan ku faanayaa in aan ka tirsanahay Bilan,” Sadia

“Safarkan wuxuu si weyn u horumariyay xirfadayda kamaradda iyo muqaal samaynta,” Farhio

Safarkan waxa ay ka barteen maalin kasta casharro cusub. In kasta oo caqabado badani jireen, haddana deddaalkooda iyo adkeysigoodu marna ma istaagin. Waxay wajahayeen dhibaatooyin wayna ka gudbeen.

Maanta, Bilan mahan oo kaliya koox warbaahineed. Waa bulsho mideysan, oo leh hadaf cad iyo aragti dheer; taas oo ah in ay wax ka beddelaan warbaahinta Soomaaliya iyo  dhisida mustaqal u ifiyaya gabadha warbaahinta ku jira.

“Maahan oo keliya in aan sheekooyinka soo tebino, ee waxaan dhiseynaa dhaxal. Shaqadeennu waxa ay fure u tahay mustqabalka dumarka da’da yar ee doonaya in ay saxaafadda ku  soo biiraan.” Hinda Cabdi Maxamuud, Tifatiraha Guud ee Bilan

Bilan waa kooxda warbaahineedii  ugu horreysa ee ay dhammaantood dumar yihiin ee Soomaaliya. Waxaa maalgelinaya Midowga Yurub iyada oo loo sii marayo UNDP, waxaana martigelisa Dalsan Media Group. Bilan waxay iftiimisaa arrimaha ay haweenku ka walaacsan yihiin waxayna siisaa cod haweenka Soomaaliyeed.

Lido Beach is one of the most popular destinations for people in Mogadishu looking to relax, swim, and enjoy their free time. The beach attracts a diverse crowd, including men, women, children, and the elderly, especially on weekends and holidays.

However, women who go to the beach to swim face serious challenges, the biggest being harassment from some of the young men present. There is growing concern about the continued abuse and mistreatment women experience while in the water.

Faadumo Ahmed, one of the women who enjoys swimming, told Bilan Media that she constantly feels unsafe when she visits the beach.

“I come here to swim and unwind, but I never feel free. Young men deliberately come too close to us, sometimes even touching us inappropriately. This is a recurring problem, and there is no one to protect us,” she said.

On the other hand, Mahad Muse, a young man who frequently visits Lido Beach, said he always stays vigilant when accompanying his sisters.

“Today, I won’t swim. I came here with my three sisters, and I have decided to stand guard. Some boys have no respect—they forcefully drag women in the water or even try to pull off their clothes. Just a few days ago, I witnessed an incident where a young girl was harassed, and her clothes were torn in the middle of the sea. It was disturbing,” Mahad said.

He believes the solution is to deploy security forces at the beach and enforce strict laws against offenders.

One of the biggest reasons why such incidents continue is the absence of law enforcement or coast guards to monitor the beach. Some believe that implementing strict regulations to combat sexual harassment is necessary.

Many argue that swimming is an essential life skill that everyone should learn for their safety in water.

Would a safer environment encourage more women to swim at Lido Beach?

Fahio Murad, Bilan Media  

Kulankan oo ay isku yimaadeen haweenka Maamul Gobboleedyada dalka iyo haldoorka haweenka Soomaaliyeed ayaa looga hadlayay sidii haweenku uga muuqan lahaayeen nabadaynta, siyaasadda iyo dib u dhiska dalka. Qaar ka mid ah dumarka ka soo qeyb galay madasha ayaa sheegay muhiimada shirarka noocaan oo kale ah u leeyihiin, haweenka Soomaaliyeed. Waxa ay u sahlayaan in ay qarnaqsadaan, isla wadaagan arragtiyo iyo waxyaabaha loo baahanyahay in kor loo qaado ama wax laga beddelo.

Guddoomiye Ku Xigeenka Ururka Haweenka Soomaaliyeed, Marwo Warsan Xasan Xagar ayaa shirka ka sheegtay muhiimadda ka qeybgalka siyaasadda dalka.

“Waa in aynu fariisano miiska wadad hadalka. Waa in aan dumarka haldoor inoo ah ku garab istaagno sidii ay wax ula qaybsan lahayeen ragga, qaybna uga noqan lahayeen hogaanka dalka.”

Ruqiyo Maxamed Axmed, oo ka mid aheyd haweenkii ka soo qeybgalay ayaa tiri;

“haddii gabadh walba ilmaheeda ku barbaariso caddaalada iyo wax wadda qaybsiga, wax badan ayay bulshada ka beddelaysa. Waxa maanta dhibaatada nagu haya waa kii aan dhalnay iyo kii aan u dhaxnay, si aan u beddelno hab fikirkoda waa in aan aqalka ka soo bilowno.”

Guddoomiyaha Ururka Haweenka Jubaland marwo Faadumo Aadan Kateela, oo ka hadashay muhiimadda is taageerida gabdhaha ayaa tiri;

“gabdhahu waxa ay u baahan yihiin, in kor loo soo qaado oo aqoontooda la dhiso. Si aqoontooda loo dhiso waxa ay u baahan yihiin in loo sameeyo aqoon is waydaarsiyo iyo dhaqaale sidii ay haweenka kale aqoon u gaadhsiiyaan.”

Dhanka kale agaasimaha guud ee Elman Peace, Fartuun Cabdisalaan Aadan oo shirkan hogaaminaysay ayaa ku baaqday in haweenku ay qeyb ka noqdaan ololaha nabadaynta dalka.

“Waxa aad arkaysaa haweenka dareenka ay u qabaan in Soomaaliya ay nabad noqoto wax walba u huri lahaa. Dumarku haddii ay isku yimaadan oo ay nabad dhiska ka qayb qaataan dhibka maanta jira ayaa laga bixi lahaa, sababto ah haddii ay nabad timaado hooyadaa ku faa’iidaysa, wixii dhib dhacaa  iyadu ku dhacaa haddii aad tagto isbitaalada iyo meel walba waxa dhibaataysan waa hooyo.”

Wasiirka Wasaaradda Arrimaha Qoyska iyo Xuquuqul Insaanka, Bashiir Maxamed Jaamac Goobe oo kulankan ka soo qeyb galay ayaa dhankiisa wuxu sheegay in dhankiisa iyo ka wasaarad ahaan ba ay diyaar u yihiin sidii haweenka Soomaaliyeed ay qeyb ugu noqon lahaayeen dib u dhiska dalka iyo siyaasadda.

“Wasaaradda Arrimaha Qoyska iyo Xuquuqul Insaanku, waxa ay diyaar u tahay idinkuna garab taagan tahay howlaha adag ee dib u dhiska dalka, amniga, xasilinta iyo arrimaha bulshada. Ka wasiir ahaan waan idinku garab taaganahay sidii aan idinla shaqaynlahaa.”

Naima Said Salah, Bilan media

Xogta kobaca dhaqaalaha ee ay sameyso Qaramada Midoobay ayaa sheegaysa in

wax soo saarka gudaha Soomaaliya (GDP) uu kordhay 4.2 sanadkii la soo dhaafay

ee 2023, iyada oo ay shacabka magaaladda Muqdisho ka cabanayaan dhaqaale

xumo baahsan oo soo foodsaartay.

Madaxweynaha Soomaaliya Xasan Sheekh Maxamuud, ayaa 9, bishii Aug 2024,

khudbad uu ka jeediyey masjidka madaxtooyada ka sheegay in dhaqaalaha

Soomaaliya uu sarre u kacay boqolkiiba 50%. Shiidka iyo shaqa la’aanta ay ka

cabanayaan dhallinyarada Soomaaliyeedna ay tahay been iyo borabagaando ay

suuqa soo galiyeen dadkii horay ula shaqeyn jiray Khawaarijta.

Qaar ka mid ah dhallinyarada ayaan wayddiinay aragtidooda ku aadan shaqo

la’aanta iyo shiidka ay ka cabanayaan iyo sida ay arkaan hadalkii Madaxweynaha.

Dr. Xasan, oo ka mid ahaa dadka aragtidooda nala wadaagay ayaa yiri;

“shiidka wuu jiraa. Soomaaliya bilahan hadda lagu jiro oo kalena way iska dhici jirtay

in dhaqaale xumo waddanka ka dhacdo. Marba marka ka dambeysana waxa aad

moodaa in Soomaaliya uu dhaqaalaheedu hoos u dhacayo, qaasatan

dhallinyarada.”

Shukri Faarax, oo ka mid ah dhallinyarada ku nool magaaladda Muqdisho aya

aragtideeda Bilan la wadaagtay ayaa tiri;

“ Waxaa jirta dhaqaale xumo daran, anigan kula hadlaya wuu saameeyey,

sababtuna dhallinyarada badankoodna ma shaqeeyaan, fursado badan oo furan ma

jiraan taas ayaa keenaysa in ciriiri dhaqaalo dhaco.”

Dhanka kale Aadan Macallin oo ka mid ah dadka muruq maalka ah ee ku nool

magaaladda Muqdisho ayaa yiri;

“Magaaladda maamlmahn shiidkeeda wuu iska badanyahay,shaqo la qabto

malahan. Dadkii loo shaqeyn lahaana waxba ma hayaan. Shiidku dadka wuxuu ka

dhigay dad siman oo aan waxba is dhaamin.”

Kiin Hasan Fakat, Bilan Media

Dowladda Fadaralka Soomaaliya ayaa soo kordhisay cashuur cusub, taas oo lagu soo rogay iibka badeecadaha ganacsiga taas oo dawlada ku sheegtay in ay noqon doonto boqolkiiba 5% lacagta ka go’i doonta. Dhanka kale shirkadaha isgaarsiinta ayaa macaamiishooda fariimo u diray taas oo ugu sheegayaaan in hantidooda gacan aamin ah ay ugu jirto oo aan wax cashuur ah laga qaadaynay lacagaha ay ka dhex diraan telefoonka, maadaama si dijitaal ah lagaga qaadayo.

Ganacsatada iyo shacabka ku nool magaaladda Muqdisho ayaa walaac ka muujiyey, haddaba waa sidee aragtida bulshadu?

Abdiwaahid warsame oo ka mid ah, bulshada ku nool magaaladda Muqdisho ayaa  isaga oo Bilan hadlaya u sheegay;

“cashuurta la kordhiye waxa aan u arkaa nin baahan la yiri wax bixi.  Iskoolku  waa lacag , biyihu waa lacag, korantadu iyo ijaarka/kiradu sidoo kale,  iyo adeeg kasta oo aan u baahnahay ka bulsho ahaan. Hadda cashuurta cusub waxa aan u arkaa mid qalad ah, oo wax kasta oo aad soo gadato ayaa lacag laga goynayaa. Madaxweyne cashuurta ma bixin karo ee haddii aad na leedahay guriga isku soo xidha oo isaga jira noo sheeg.”

Dhanka kale Mohamed Abuukar,  oo ka mid ah dhallinyarada ku shaqaysta bajaajta ayaa dhahay;

“Soomaaliya maada ay dawladdaha adduunka ay ku dayaneyso ee dadkooda ka qaada cashuurta, bulshada waxbay u qabtaan. Waxa ay helaan, waxbarasho bilaash ah, caafimaad iyo adeegyo kale oo bila lacag ah. Haddii aan cashuurtan bixino beddelkeeda ma helayna oo dawladdu adeegyo ma noogu qabanaysaa?”

Yahye Ali oo kamid ah shacabka arrigtidooda ka dhiibtay cahsuurta iyo sida uu u arko ayaa isna sidan yiri;

“lacagta waxa lagu soo rogay waa ganacsatada iyaguna waxa ay sii dulsarayaana waa shacabka sababtoo ah, ganacasaduhu  isagu wax iskama gato ee wuxuu wax ka gadaa bulshada lacagta la qaadayaana waa santiyo  oo ma badna, wax laga cawdana uma arko annu.  Bulshadu ha ka cabato marka cashuurta wax lagu qaban waayo sida in iskoolo la dhisi waayo, isbitaalo iyo jidad.”

Cashuur kordhintan ayaa ku soo beegmaysa iyada oo muddooyinkii ugu danbeeyey shacabku ku nool magaaladda Muqdisho ka cabanayeen dhaqaalo yari aad u baahsan.

Shukri Mohamed Abdi, wariye, Bilan Media