Hoos ka dhageyso Warka Duhurnimo ee Idaacada Warsan oo aqrinayo Maxamud Ali Abdullahi (Gaabshaa)
Shirkan waxaa goob joog ka ahaa Guddoomiye ku-xigeenada Maamulka Gobolka Banaadir, Xog’hayaha guud ee Gobolka, Taliyaha Ciidanka Ilaalinta Deegaanka, Guddoomiyaasha Degmooyinka, iyo Agaasimayaal,Shirkan oo ka dhacay Aqalka Dowladda Hoose Xamar ayaa qodobadii looga hadlay waxaa kamid ahaa dardargalinta Amniga, kor u qaadista Daqliga, Nadaafada iyo Horumarinta isdhaxgalka Bulshada,
Duqa Magaalada Muqdisho Mudane Yuusuf Xuseen Jimcaale (Madaale) ayaa shirka ka sheegay in guddoomiye kaste iyo Agaasime kaste lagula xisaabtami doono mas’uuliyadda uu shacabka u hayo.
Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa magacaabay Guddiga Farsamada ee shirka dib u heshiisiinta Koonfur Galbeed.
Xubnaha Guddiga ayaa waxaa kamid ah la-taliyeyaasha Madaxweyne Xasan Sheekh ee kala ah Cabdiraxmaan Baadiyoow iyo Cali Cabdi Awaare, kuwaas oo aan kasoo jeedin degaannada Koonfur Galbeed.
Hoos Ka Akhriso Magacyada Guddiga.
Saaxiibada Beesha caalamka ayaa war-saxaafadeed kasoo saaray Xaaladda Cakiran ee Magaalada Laascaanood ee xarunta Gobolka Sool.
Warsaxaafadeedka yaa waxaa lagu sheegay in Beesha Caalamka aya ka walaacsan rabshadaha Laascaanood ee sababay dhimashada iyo dhaawaca dad rayid ah, kuwaasi oo marba mark aka damebysa sii xoogaysanaya.
Beesha Caalamka ayaa waxaa ay ku baaqday in haatan loo baahan yahay in la sameeyo Ka hortagga rabshadaha iyo xaqiijinta ilaalinta dadka rayidka ah ee degaanadaasi,kuwaasi oo maal mihii ugu dambeeyay wajahayay dhibaatooyin xooggan oo kaga imaanaya Ciidanka Somaliland.
Ugu dambeyn Qoraalka Beesha Caalamka ayaa loogu baaqay Bulshada Gobolkaasi, xasillooni iyo is-xakameyn, iyo sidoo kale in Xiisadaha lagu xalliyaa isdajin iyo wadahadal.
Magaalada Laascaanood ee Xarunta Gobolka Sool ayaa waxaa ka taagan xaalad aad u cakiran kadib rabshado qaatay Muddo Usbuuc ah oo ay ku dhinteen dad rayid ah.
Hoos ka dhageyso Warka Subax ee Idaacada Warsan oo aqrinayo Bilal Hilal Shueb
Baydhabo-{WMN}-Barnaamijka Kulanka Warsan waxaad Caawa kaga boganidoontaan Wareeysiyo aad xasaasi u ah, khudbadiha shirarkii maanta Madaxda Somaliya ay ku qabteen Dalka iyo dibadiisa. waxaa Caawa soo saarey soona jeedinaaya Wariye Mohamuud Ali Abdullahi (Gaabshaa} Dhageysi wanaagsan.
Kulanka Guddoomiyaha iyo Marwo Anita Kiki ayaa looga hadlay arrimaha mudnaanta u leh dib u heshiisiinta deegaannada Koonfur Galbeed, iyadoo xustay inay UNSOM taageereyso dadaalada uu garwadeenka ka yahay Guddoomiyaha Golaha Shacabka BJFS si loo helo isfaham bulsho loona sii amba qaado xorreeynta deegaannada argagaxisada go’doomiyeen.
Guddoomiyaha Golaha Shacabka ayaa gunnaanadka kulanka ayuu Marwo Anita Kiki Gbeho oo ah Ergeyga Gaarka ah ee Qaramada Midoobay Arrimaha Kaalmeynta Soomaaliya la wadaagay halka ay mareyso arrimaha dib u heshiisiinta Koonfur Galbeed isagoo la wadaagay inuu kulamo la qaatay siyaasiyiinta ka aragti duwan Maamulka Koonfur Galbeed.
War-saxaafadeed kasoo baxday Wasaaradda Arrimaha dibadda Somaliland oo ku qornaa luuqada Ingiriiska ayaa lagu cambaareeyey dilalka qorsheysan ee loo gaystay mas’uuliyiin kala duwan oo sanadihii u dambeeyey lagu khaarijiyey Laascaanood.
Somaliland ayaa dilalka ku eedeysay inay ka dambeeyeen Alshabaab, sida waa lagu sheegay Warka, oo sidoo kale Wasaaradda ku cambaareysay Maamulka Puntland, ayna ku eedeeyeen inay gudbinayaan xogo marinhabaabin ah, oo qalalaasaha sii holcinaya.
Sidoo kale Wasaaraddu ayaa ka digtay duulaan iyo farogelinta dibaddeed ee Somaliland lagu soo qaaday, Xarunta xuquuqda aadanaha ee Somaliland ayaa xaqiijisey in 7 qof ay ku dhinteen 21 kalena ay ku dhaawacmeen israasaaseyn ka dhacday magaalada Laascaanood.
Maalintii 5-aad, ayaa magaalada Laascaanood ee Xarunta Gobolka Sool ka dhacaayay banaanbaxyo waaweyn oo ay dhigayeen dadka deegaanka magaalada oo kasoo horjeeda dilalka qorsheysan ee halkaas ka dhaca iyo dhibaatada ciidanka Somaliland ay ku hayaan shacabka banaanbaxyada waday.
Guddoomiye Madaale ayaa waxaa uu sheegay in shacabka kunool Muqdisho laga qaado mar kasta canshuur, isla markaana ay wajahayaan culeysyo, maadaama sida uu sheegay in aan loogu adeegin siidii loo baahnaa canshuurta laga qaado shacabka.
Wuxuu tilmaamay Guddoomiye Yuusuf Madaale in dhibaatada heysata bulshada ay kamid yihiin Waxbarasho iyo Xarumo Caafimaad oo lacag la’aan ah, isagoona xusay in aan loo baahneynin oo kaliya in canshuurta kusoo uruurto mushaar.
”Dadka canshuur ayaa laga qadaa hadana looguma adeego,culeyska Umadaan heysto waxaa kamid ah maheystaan Waxbarasho iyo Isbitaalo lacag la’aan ah cidii keeni laheydna waa dowlada” ayuu yiri Duqa Muqdisho oo intaas sii raaciyay in shacabka loo baahan yahay in wax loo qabto.
Dhinaca kale Guddoomiyaha Gobolka Banaadir ahna Duqa Muqdisho ayaa tilmaamay in shacabka ay xilligaan go’doon ugu jiraan amni darro iyo dagaalka lagula jiro Al-shabaab, Maamulka Gobolka ayaan xalay ansixiyey miisaaniyadda Maamulka ee sanadka cusub ee 2023.
Qoraal uu Andriy Yermak oo ah Madaxa Xafiiska Madaxweynaha Ukraine Andriy dhigay Barta Telegram ayuu ku sheegay inay Raashiya soo daayeen 140 Maxaabiis Reer Ukraine ah, kuwaasi oo maanta dib ugu soo qabtay dalkooda Hooyo.
Maxaabiistaasi waxay kala ahaayeen 132 rag iyo 8 haween, kuwaasi oo ku dhaawacmay, lana qabtay xilligii ay difaacayeen magaallada Mariupol iyo Jesiirada Zmiyiny island.
Dhanka kale, Wasaaradda Difaaca ee Raashiya waxay shaacisay in la soo daayey 82 Askar Raashiyaan, kuwaasi oo Maxaabiis u ahaa Ukraine.
Hadal-qoraal oo ay Wasaaradda Difaaca Raashiya soo saartay ayaa lagu sheegay in Wada-xaajood laga galay Maxaabiista la isweydaarsaday oo lagu soo beegay sanadka cusub ee 2023-ka.
Isweydaarsiga Maxaabista labada dhinac waa kii 3-aad ee bishan oo keliya la sii daayey, , iyadoo bishan 6-dii la sii daayey 60 askar Ukraine ah, halka bishan 6-dii iyagana la sii daayey 50 Askar Raashiyaan ah.