Baydhabo-{WMN}- Madaxweynaha Dowlad Gobaleedka Koonfur Galbeed Soomaliya Mudane Cabdicasiis Xasan Maxamed Laftagareen ayaa Waxaa uu kulan la qaatay Wasiiradda Gargaarka iyo Maareynta Muusiibooyinka Dowlad Gobaleedyada Dalka , oo shir uga socday Magaalada Baydhabo ee Xaruunta Gobalka Baay.
Madaxweyanaha ayaa soo dhaweeyay wasiirradaan oo ka kala socday Dowlad Gobaleedyada; Puntland, Galmudug, Hirshabeelle, Jubbaland iyo Dowlad Gobaleedka Koonfur Galbeed Soomaliya oo marti galineysay shirka Wasiirrada Gargaarka iyo Maareynta Muusiibooyinka.
Shirka ka dib Wasiirrada ayaa qoraal ay soo saareen waxaa dowladda Soomaaliya looga dalbaday in ay fasaxdo, lacag gargaar ah, taas oo ay ku deeqday dowladda Imaaraadka Carabta oo gaaraysa $9.6 milyan oo dollar, oo loogu talo galay wax kaqabashada abaaraha jira.
Baaqa Wasiirrada ayaa ku soo aadaya Xilli ay Soomaaliya ka jirto Abaar aad u daran, taas oo saameysay Dad ka badan hal milyan oo qof kuwaas oo ka barakacay guryahooda, Ergeyga Madaxweynaha JFS Mudane Cabdiraxman Abdi Shakuur Warsame ee Arrimaha Bani’aadannimada ayaa ugu baaqay Madaxda Soomaaliyada iyo deeqbixiyaasha Caalamka, in gargaar lala soo gaaro dadkaan, xilli laga laga cabsi qabo in Abaarta ay isku badasho macluul oo gaajo daran.
Warsan Radio