Howlgalka ATMIS oo ku dhawaaqay inay ku biirayaan dagaalka ka dhanka ah Al-Shabaab ee socda written by Warsan Radio 13/12/2022 Howlgalka Midowga Afrika ee ku meel gaarka ah ee Soomaaliya (ATMIS) ayaa mar kale xaqiijiyay in ay ka go’an tahay gudashada waajibaadkooda ku aaddan taageerada Soomaaliya ee waddada nabadda iyo xasilloonida.Mohammed El-Amine Souef, oo ah wakiilka gaarka ah ee Midowga Afrika u qaabilsan Soomaaliya ahna madaxa ATMIS ayaa sheegay in howlgalka Midowga Afrika uu si dhow ula shaqeyn doono la-hawlgalayaasha si loo sugo ammaanka Soomaaliya oo dagaal adag kula jirta Al-Shabaab.“Anigoo ku hadlaya magaca shaqaalaha ATMIS, militariga, booliiska, iyo rayidka, waxaan mar kale ku celinayaa sida ay nooga go’an tahay inaan si dhow ula shaqeyno si aan u taageerno qorshayaasha iyo howlaha dowladda iyo shacabka Soomaaliyeed,” ayuu Souef ku yiri hadal uu ka soo saaray caasimadda Soomaaliya ee Muqdisho.Ergeyga Midowga Afrika oo ka hadlay mar uu martigeliyay diblomaasiyiin shisheeye, wakiilo ka socday hay’adaha Qaramada Midoobay, iyo mas’uuliyiinta dowladda Soomaaliya ayaa ballan qaaday in ay la shaqeyn doonaan dhammaan bah-wadaagta la ah Soomaaliya si ay u taageeraan dadaallada ku aaddan dib u dhiska iyo horumarinta Soomaaliya si ay faa’iido ugu jirto Soomaaliya.“Waxaan ballan qaadayaa taageerada aan loo meel dayin iyo sida ay iga go’an tahay in aan si dhow ula shaqeeyo dhammaantiin inta aan sii wadno taageerada soo celinta nabadda iyo xasilloonida Soomaaliya,” ayuu yiri Souef.ATMIS waa howlgalka taageerada nabada ee Afrika si loo yareeyo khatarta al-Shabaab iyo taageeridda dadaallada nabada iyo dib u heshiisiinta si loo helo Soomaaliya ammaan ah oo xasilloon, iyaga oo aan Ciidanka ATMIS bilihii la soo dhaafay qeyb ka aheyn dagaalka ka dhanka Al-Shabaab. Howlgalka ATMIS oo ku dhawaaqay inay ku biirayaan dagaalka ka dhanka ah Al-Shabaab ee socda was last modified: December 13th, 2022 by Warsan Radio 0 comment 0 Facebook Twitter Google + Pinterest previous post Guddoomiye Aadan Madoobe oo laamaha amniga G/Bakool kala hadlay la dagaalanka Al-Shabaab next post Dhageyso: Barnaamijka Athiiny ki dayooy You may also like Akhriso:- Heshiiska ay kala saxiixdeen Soomaaliya & Turkiga 07/07/2022 Madaxweynaha Itoobiya oo Warqadaha aqoonsiga ka guddoontay Safiirka Somalia 05/10/2023 Dagaal ka socda degaano hoostaga Magaalada Beledweyne 13/01/2023 Dhageyso:-Barnaamijka Kulanka Warsan 29/12/2021 Dhageyso: Barnaamijka Kulanka Warsan 09/08/2023 Shirka Wasiirada Maaliyadda Dowlad Goboleedyada dalka Oo la soo Gabeynayo maanta 06/09/2022 Wasiirka Ganacsiga XFS oo saxiixay Xeer-nidaamiyaha sharciga shirkadaha Soomaaliya 27/12/2020 Guddiga Joogtada Baarlamaanka oo maanta ka arrinsanaya xilliga uu furmayo Kalfadhiga 7aad 25/05/2020 Madaxweyne Laftagareen Oo Maanta Salaada Ciidul Adxaa Shacabka Kula tukaday Magaalada Baydhabo (Sawiro) 31/07/2020 Imtixaanka Shahaadiga Dugsiyada Sare oo Maanta bilaabanaya 18/07/2020 Fariintada Nogu soo dir E-mail Adres warsanradiobidoa@gmail.com warsannews@yahoo.com Leave a Comment Cancel Reply Save my name, email, and website in this browser for the next time I comment.