Gaalkacyo – January, 2018 – Talyaha Ciidanka Xoogga Dalka Sareeye Gaas
General C/wali Jaamac Gorod Waa shaqsi leh astaamo hoggaamineed, waa
Nabadoon, Deeqsi, Geesi ah. Wuxuu muddo kooban Gobolka Mudug uga qabtay
shaqo ay ku fashilmeen mas’uuliyiin badan sanooyin aad u badan. Waxaana ka
mid ah:
1- Wuxuu Mideeyay Reer Gaalkacyo, wuxuuna gacmaha isku saaray dadkii
walaalaha ahaa ee kala shakisannaa, kala xirnaa, dirirtuna u dhaxaysay.
2- Wuxuu gacmihiisa ku qaaday dhagaxdii iyo ciidii tuurnayd magaalada
Gaalkacyo wadooyinkeeda muhiimka ah, wuxuuna qaaday dhammaanba
Isbaarooyinkii. Iyadoo hadda si caadi ah jidadkaas loo isticmaalo.
3- Wuxuu howlgaliyay Maamulkii heer Gobol/Degmo ee labada dhinac,
Issimadii, Nabadoonnadii, Saraakiishii, Dhalinyaradii, Haweenkii,
Ciidamadii, Saxaafadii, Iyo Aqoonyahannadii reer Gaalkacyo, wuxuuna abuuray
jawi walaaltinimo, kalsooni, Iyo Midnimo.
4- Wuxuu dhisay 450 Ciidan Qaran oo isku dhaf ah, kuwaasi oo ka kooban
Daraawiishtii Puntland iyo Ciidankii 21aad, wuxuu sugay xaquuqahoodii, sida
muushaaraadkoodii, qalabkoodii, waajibaadkoodii, Hoggaamadoodii, Iyo
Fariisimihii ay ka howl-gali lahaayeen.
5- Wuxuu mideeyay oo wadashaqayn u abuuray Ciidan 200 Boqor ah oo Baliis
isku dhaf ah, Iyo Ciidanka cusub ee Millatariga isku dhafka ah ee hadda
Gaalkacyo laga hirgaliyay.
6- Wuxuu Gaalkacyo Xafiis uga furay Maxkamada Ciidamada Qalabka sida Iyo
Dambiyada Culus, si meesha looga saaro in Dambiiluhu bulshada si caadi ah
isaga dhex socdo.
7- Wuxuu Mideeyay Sariishii kala hoggaaminayay ciidanka labada dhinac ee
Gaalkacyo, wuxuu ka dhigay saraakil Qaran, isagoo kaashanaya Madaxda DF,
Puntland Iyo Galmudug.
8- Ugu dambayn wuxuu suurto galiyay isagoo kaashanaya Rabbi Iyo Rag iyo
haweenba in Reer Gaalkacyo oo mid ah ay si wadajir ah usoo dhaweeyaan
Waftiga Madaxwayne Farmaajo oo si nabad ah Rabbi ku nabad keenay.
FG. Dhammaanba shaqooyinkaas in ay qabsoomaan Alle Ka sakow, waxaa gacan
wayn ka siiyay oo uu Talyuhu kaashanayay Madaxda Dalka Heer Federaal, Heer
Maamul, Saraakiisha Hoggaamada Ciidanka, Issimada Gobolka Iyo Qaybaha
Bulshada Gaalkacyo.
#Gaalkacyo oo hishiisa waa Soomaaliya oo hishiisa.
Fadlan warkaan soo daabaca.
Mahadsanidiin,
Lataliyaha Warbaahinta ee Wasaaradda Gaashaandhiga Soomaaliya.
Maxamed Cabdullaahi Cali (Kooshin)
