{WARSANRADIO}Xulka Faransiiska ayaa ku guuleystay markii labaad koobka adduunka kadib markii uu ugaga badiyay xulka Croatia 4-2 ciyaartii kama dambaysta ahayd ee goor dhow lagu soo gabagabeeyay magaalada Moscow ee dalka Ruushka.
Sanadkii 1998dii ayay xulka Faransiiska markii ugu horeysay ku guuleystay koobka adduunka iyadoo tababaraha xulka Faransiiska ee xilligan Didier Deschamps uu ahaa kabtankii labaatan sano kahor hogaaminayay xulka Faransiiska.
Xulka Croatia ayaa kaalinta labaad galay markii ugu horeysay iyadoo kaalinta 3aad xulka Belgiumka uu galay.
