Dowladda Soomaaliya ayaa ku guuleysatay in Dekedda Muqdisho ay shaqeyso xilli habeen ah ka dib markii dhawaan uu Madaxweyne Farmaajo Amray in si deg deg ah dekedda Habeenkii looga shaqeysiiyo.
Raiisul Wasaare ku xigeenka Xukuumadda Federaalka ah ee Soomaaliya Mahdi Maxamad Guuleed ayaa furay in Dekedda Muqdisho ay shaqeyneyso xilli habeen ah muddo ka badan 20-sano kadib.
Wasiirka Maaliyadda Soomaaliya Beyle ayaa sheegay in tilaabaddaan ay tahay mid sare u qaadeysa dhaqaallaha Soomaaliya.
Guddiga loo xilsaaray in Dekedda ay shaqeyso habeen ayaa maalmihii lasoo dhaafay lahaa kulamo joogto ah , waxaana ugu dambeyntii ay Caawa ku guuleysteen in dekedda habeen iyo maalinba ay shaqeyso.
