boqolaal dada weyna ah ayaa isigu tegay Garoonka Kubadda cagta Dr. Ayuub ee magaalada Baydhabo si ay u oogaan Salaada Ciidula adhxa. Madaxweynaha Koofur Galbeed Shariif Xasan Sheekh Aadan iyo qaar ka mid ah labadiisa Gole iyagoo ay wehliyaan ayay Shacabka kula tukadeen garoonka.
Markii Salaadda la tukaday ayuu Madaxweynaha la hadlay dadweynaha, waxaa uu ugu hambalyeeyay Munaasabadda Ciidul Adhxaa kadibna waxaa uu ka hadlay Dowladnimada wanaaga ay leedahay iyo xooga la saaro Amniga isagoo ku hogo tusaaleeyay meel aan amni ka jirin in ay tahay meel ayasan ka jirin nolol iyo sugnaansho.
Laba ka mid ah Dadweynihii ka soo qayb galay Tukashada Salaadda Ciidda ayaa markii ay ka baxeen Salaadda la qaybsadady Bulshada Soomaaliyeed farxadda Ciidda Shucuubta Islaamka meel kasta ay joogaan iyagoona ugu hambalyeeyay Munaasabadda CiidulAdhxaa.
Munaasabadda Ciidul adhxaa ayaa dabaal deggeeda si fiican uga socda maalinteeda koowaad dhamaan dunida Islaamka iyadoo bulshada Baydhabana ay qayb ka tahay ayay dhammaan isugu hambalyaynayaan iyagoo farxadda iyo damaashaadka camimtay ciyaal iyo ciroole xiran dhar cusayb ah cadarka udgoon uu ka cartamayo. Ciidul Adhxaa Ciid Mubaarak kulu Caam wa antum Bilkhayr.