Tothobaadby moothy tiroothy 17thy November yeethoo gaasiry ya hanaqaathaasee, sithii sitimaankii hory haayty tiroothy hooby singh tuwiyi wali haayteey 98 gee saa’adany maybaa ky dhiitheey yee oo Shariif Hasanoow Sheek Eethengh Sheleethiis ky eyi Silaaky linky koleeytamaaw Hilky Koofur Orsy.
Iloow sitimaankungh geeky rooghny ya hagaly yee oo ku yarty tirithoo tothobaadkii hory siyeed gee oo tiroothy 17thy November ku dhiminghty 90 maalmood lankii ally wiiny oofsithy maa kii unrisheey inky siminy yee oo ly deery araghee.
Shariif Hasanoow Sheek Eedengh todobaadkungh maybaa si rasmy e ingh sheegheey uny usy eyi Musharah kol lamaad iny hogaamiyi fathaaw KO , hildhibaanee edshoo iny siyaangh fathaw si yoo dhongh inghdhamaatiraangh waliiby wasinghky kuku dhiyi yoo oo isly jaraangh.
Hildhibaany gololy qathathy fadhiyeengh oo hathaly maybaa ingh sheegheeny Shariif Hasanoow Sheek Eethengh iny yoo edshoo siyi doonaangh waany ki hisaabtamy doony.
Teely tothobaadkungh ku gediisinghty sithii jeerateethungh bilaawkii barnaamishky ilaa kii sedehaad, oo sithy isingh ku warqabtaangh banwiinaaghy doorashithy KO usy shaleethiis kyhaayi Shariif Hasanoow Sheek Eethengh, iloow taas my taaly hoo taaly faddiiny saa’addy yee oo saghaalunky kydhiithy ya Mushrah Mathiwiiny iny usy eyi sheegheey Aadan Maxamed Nuur Aadan Saransoor.
Othoyaal ku tirsingh Koofur Orsy oo mathalii Saransoor iny mushrah eyi ky sheeghaayi goob roog ku yahaayi oo hathyleengh ya maybaa ereeny.
Lamy inghsurumgh qobothoowky teleethy Koofur Orsy Shriif Hasanoow Sheek Eethengh iyo Ethengh Mahamed Nuur Eethengh Soronsoor, edkiny wali lahaa Hildhibaanee Goloo Wakiilithy Koofur Orsy oo aleengh ku saaranghty mas’uuliyidy ing oorsaamoowky lankii Koofur Orsy hogaamiyi lahaayi lamaathungh ly ogyi ii haangh reed ku kooyi doony.
Su’aaly meelungh yaaly ya wali etaa hildhibaanee ay niingh doory doonaangh yoo oo iniigh hilithaany hunghury hadhoowby dhamaathaaw deyaayaangh fadiyoothy dadky yoo metelaayaangh oo geeky edshoo wakiilky ku eyiingh?
ED Hees
Taly tii allywu tangh faylany usii gorothee dadky ii dalkany kiingh inghroonghny weydiisithaany iny niinky dhiiby hogaanshee. Mar hooby dadky edshoo wall inky doorithaany mal qiyaasy kory berky edky inghdhiyi doony, walaa dhonghby go’aanshoo hildhibaaneewaa le’e, maak leey inghdoothaanee doo niinku bahee maa hildhibaanee ya edkaany ky goorisinghyi, hoo ogdy ii hooby ingh ogaayny.
Guuluthy kornee likiyeeyty leey haayi korny maa taleethy koofur orsy gohonghty, mushrihiinty ii sithii hildhibanee inghgolomiisithaangh yak y hirinty, kolkolshoo inghbuuyaagh sithy hildhibaankungh leyi oo klay.
ED Hildhibaan
Tothobaadkungh saa’ady wali ky dhiitheey yee oo daleeli langhkoo leey teeghinaayi Saransoor hylamaayi,
Inghdheg reebnooy todthobaadky danby ii silaaky koofur orsy lanky haysedehaayi doony Awshariif ii Aadna Saronsoor habaalsurumi doonee 17thy Novemberaa inghkoleeytimee ery doony Koofur Orsy iny hogaamiyi hanis myliyidoony.
