Baydhabo Somaliya-{WMN} Waxaa ku ciyaaray laba kooxood oo gabdho ah, kuwaasoo wasaaradda dhalinyarad iyo ciyaaraha koofur galbeed Soomaaliya u tababartay ciyaaraha kubadda Kolayga Maamul Goboleedka koofur Galbeed in ay ku matalaan taramada kubada Kolayga Maamul Goboleedyada.
Gabdhaha u safan labadan kooxood ee ku ciyaaraya garoonka iyo kuwa daawanaya hal iyo labo marka la reebo sida idiin muuqata waa kuwo waligood arag Garoonka darbane Muudeey ama u soo joogay isagoo gabdho kubada kolayga ay ku ciyaariyaan xiligii dowladdii dhexe Soomaaliya.
Ciyaarta oo ahayd mid fiinaal ah oo dhex maraysay laba kooxood ee kala watay Horseed iyo Xidigaha Koofur Galbeed waxay soo bandhigeen Ciyaar xiisa badan oo daawadashaaya xiisa galisay, waloow aqoonta ciyaartan iyo kubadda kolayga iyo gabdhaha ciyaarayba intaba ay ka soo qayb galayaasha ku ahyd mid ku cusuban waxay gababadii guusha iyo koobkiiba u ahaatay gabdhaha Ku ciyaarayay Magaca Horseed.
Luul Isaaq Aadan oo ka mid ururada bulshda rayidka ayaa markii ay ciyaarta soo gabagaboowday la wadaagtay warbaahinta Dalsan dareenkeeda ku aadan ciyaarta iyo sodon sano kadib gabdhaha kubadda kolayga ku ciyaareen Garoonkii caanka ahaa ee darbane Muudeey Sodon sano kadib.
Wasiirka Dhalinyarada iyo Ciyaaraha Maamulka Goboleedka KGS Cabdulaahi Fanax oo sugnaa garoonka ilaa gabagabada ciyaarta Gabdhaha kooxda horsed gudoonsiiyay koobka ayaa ka hadlay garoonka Darbana Muudeey dib u furistiisa iyo howshii ay ka soo martay wasaaridiisa.
Muddo sanooyin ah oo garoonkii kubadda kolayga Darbana Muudeey Baydhabo ahaa deegaan dad gaar ah yeesheen, waxaa uu maanta noqday hantidii dadweynaha Koofur Galbeed, waxaana uu helay dawgii berigii hore loo dhisay taasoo ahayd in lagu ciyaaro kubadda kolayga dadweynahana u soo daawasho tagaan si mid waliba kooxdiisa sacab ugu garaaco guul iyo guul daro. Sodon sano kadib Garoonkii Kubadda Kolayga Darbana Muudeey Baydhabo sideedankii siduu uu ahaa ayay ka dhigtay wasaaradda Dhalinyarad Iyo Ciyaaraha Dowlad Goboleedka Koofur Galbeed . Bulshadana ku xusuusan doontaa wasiir Fanax.
