Baydhabo Somaliya{WMN}-Waxay aheyd arin aad loo hadal hayay gaar ahaan baraha bulshada hadal heynteeda ka socotey in Ciidamo Dowlada fadaraalka soo direyso soo gaari doonaan Baydhabo,balse maanta ayaa tii dhacdey oo ciidamo Boqol ku dhow laga soo dajiyey garoonka diyaaradaha ee baydhabo.
Durba hadal heyn xoogan ayaa bulshada bilowdey iney isla dhaxmaraan u jeedada ciidankan ku aadan qaarbaa kuu sheegaya in doorashada laga hor istaagi doono musharaxinta qaar,halka qaarka ku sheegayaan in amniga Madaxtooyada keliya sugayaan.
Kulan deg deg ah ayaa markiiba isugu yimid xildhibaanada Fadaraalka soomaaaliya ee laga soo doortey Koonfur galbeed,kuwaas oo uu hogaaminayay sheikh aaddan Madoobe oo Mar soo noqdey Gudomiyihi barlamaanka soomaaliya haatana xildhibaan ah.
Xaniifa Maxamed Ibraahin iyo Xildhibaan Maxamed fanax oo xildhibaanada kulnka yeeshey ka mid ah ayaa gudigga doorashada u jediyey iney howshooda arintan sameyn ku yeelan.
Sheekh Aadan Maxamed Nuur Madoobe kana mid ahaa xildhibaanada kulnka yeshey ayaa sheegey in dowlada maanta fargalinteeda cadeysatey,ugana digey xildhibaaanada Koonfur galbeed iney doortaan musharax dant koonfur galbeed ka shaqeyneynin.
Diyaaradii koowaad waxay sidey Konton askri oo hubeysan,halka diyaardii labaadna lagu keenay 30 kale sidaasna tirada ciidamadaa hada soo dagey ay gaarayaan ilaa 80 askari,diyaardii sadaxaad oo konton kale soo wada ayaa lasoo sheegayaa iney iman doonto.
Wararka qaar waxay sheegayaan in ciidamadan ay hortaagi donaan musharaxiin uu ka midyahay mukhtaar Roobow Abuu mansuur oo ka mid ah musharaxiinta ugu saameynta badan islamarkaana bulshada ugu badan la dhacsan inuu ku guuleysto doorashada.
Waa xaalad jah wareer ah oo bulshada ay dhegaha la taagayaan ciidamadan soo dagey Baydhabo,waxaana ciidanka soo dhaweyey Taliyaha Booliiska Koonfur galbed mahad craxmaan aadan,
Shanta Bisha decembar ayaa ah wakhtiga doorasjada Madaxweynaha Koonfur galbeed dhici doonto,Horey ayaa marar badan dib u dhacdey sababo is qab qabsi iyo khilaafadyo jirey,walina xaalka doorashada waxaa la sheegayaa in cago badan ku fadhin.
