Waxaa sii kordhaya khasaaraha nafeed iyo midka hantiyadeed ee ka dhashay daadadkii ku rogmaday Xaafado ka tirsan Magaalada Khardho ee Xarunta Gobolka ay Puntland u taqaano Karkaar.
Ciidamada Qeybta Booliska Gobolka iyo qeybaha kala duwan ee Bulshada ayaa waxaa ay wadaan Gurmadyo kala duwan,waxaana dhaqaatiirta Isbitaalka Khardho ay sheegeen in loo keenay ilaa 7 Ruux oo Meyd ah,kuwaas oo daadadka ku dhintay.
Dadka Xaafadaha qaar laga soo badbaadiyey iyo kuwa ku dhintay ayaa waxaa ay u badan yihiin Carruur ka carari waayay daadadka,waxaa sidoo kale burburay Goobihii Ganacsiga ee Magaalada.
Xaalad cakiran ayaa ka taagan Magaalada Khardho,waxaana gaaray Madaxweynaha Puntland iyo Wafdi Wasiiro ah,kuwaas oo u kuurgalaya xaaladaha kajira Khardho iyo khasaaraha ka dhashay daadadka ku rogmaday.
Home Wararka
Wararka
Madaxweyne Deni oo u amabaxay Magalada Khardho
April 28, 2020
Facebook Twitter
Madaxweynaha Dowlad Hoboleedka Puntland Siciid Cabdulaahi Deni iyo Xubno la socda ayaa goordhow waxaa ay u ambabaxeen Magaalada Khardho ee Xarunta Gobolka Karkaar.
Khardho ayaa waxaa kusoo rogmaday daadad ka dhashay roob saacadihii la soo dhaafay halkaasi ka da’ayay kaas oo sababay dhimashada Saddex Ruux iyo burburka Guryo farabadan.
Madaxweyne Deni ayaa kormeer ku sameyn doona Goobaha uu daadka saameeyey,isaga oo sidoo kale la kulmi doona Maamulka degmada kalana hadli doona Arrimaha daadadka.
Magaalada Khardho ayaa waxaa weli ka socda Gurmad kala duwan oo lagu soo badbaadinayo dad ku go’doonsan Xaafadaha qaar ee Magaalada.