Ciidanka Kumaandooska DANAB ee xoogga dalka ayaa saacadihii lasoo dhaafay waxaa ay howlgal qorsheysan ka fuliyeen deegaano ka tirsan Gobolka Jubbada Hoose, halkaas oo ay ku sugnaayeen Al-shabaab.
Ciidamada ayaa howlgalka sigaar ah uga sameeyay deegaanada kala ah Janaa-cabdale, Helishid, Mayonde iyop Garascebe oo hoostaga Magaalada Kismaayo, iyadoona Ciidanka ay deegaanadaas kala wareegeen Al-shabaab.
Taliyaha Gutaada 16-naad Uruka 5-naad Kumaandooska DANAB ayaa ka hadlay howlgalka ay Ciidamada kula wareegeen deegaanadda Cusub, waxaana uu sheegay in haatan halkaas ay ku sugan yihiin Ciidamada Xoogga.
Sidoo kale Taliyaha ayaa waxaa uu tilmaamay in Ciidanka ay deegaanada ka wadaan howlgal miino baaris ah, isagoo xusay in dadka deegaanka ay soo dhaweeyeen Ciidanka markii ay gaareen halkaas, waa sida uu hadalka u dhigay.
Ciidanka Kumaandooska DANAB ayaa maalmihii lasoo dhaafay howlgalo ka dhan ah Al-shabaab waxaa ay ka wadeen deegaano ka tirsan Gobolada Jubbada Hoose iyo Shabeellaha, iyagoona dhawaan la wareegay deegaano hor leh oo ku yaalla Sh/Hoose.
