Wararka aan ka helayno Magaalada Jowhar ee Xarunta Maamul Goboleedka Hir-shabeelle ayaa sheegaya in caawa dabley hubeysan ay dilka fuliyeen Magaladaas.
Wararku waxaa ay sheegayaan in dilka loo gaystay Mas’uul ka tirsan Maamulka Hirshabeellen kaas oo lagu magaacabi jiray Xildhibaan Cabdulqaadir Abuukar Maxamuud, waxaana sidoo kale uu ahaa Wasiirka beeraha iyo waraabka Hirshabeelle.
Dilka kadib ciidamo ka tirsan maamulka Hir-shabeelle ayaa howla gallo waxaa ay ka sameyeen aagga dilku ka dhacay ilaa iyo haddana lama sheegin cid loo soo qabtay dilka caawa ka dhacay Jowhar.
Degaanada maamulka Hir-shabeelle ayaa waxaa ka dhaca inta badan falalka dilka ah ee loo gaysto mas’uuliyiinta ka tirsan maamulkaas iyo Ciidanka, waxaa sheegta dagaalamayaasha Al-shabaab wallow aysan hadda sheegan dilka caawa loo gaystay Wasiirka beeraha iyo waraabka Hirshabeelle Cabdulqaadir Abuukar Maxamuud.
Gudoomiyaha Baarlamaanka Dowlad Goboledka Hirshabelle Sheekh Cismaan Barre Maxamed dilka Magaalada Jowhar loogu geystay Wasiirkii Beeraha Hir-Shabeelle Marxuum Cabdiqaadir Faarax Axmed (Karaani)., isaga oo baaq u diray Xildhibaannada.
Guddoomiyaha oo ku hadlayay magaciisa, kan Guddoonka, Magaca Xildhibaannada Baarlamaanka Dowlad Goboledka iyo Shacabka waxuu tacsi tiiraanyo leh u dirayaa Marxuum Cabdiqaadir Faarax Axmed (Karaani) oo kamid ahaa Xildhibaannada Baarlamanka Dowlad Goboledka Hirshabelle, isla markaana dhawaan loo magacaabay Wasiirka Wasaaradda Beeraha oo kooxaha argagaxisada ay ku dileen Xaafadda Kulmis ee Degmada Jowhar.
Guddoomiye Sheekh Cismaan ayaa yiri “Waxaan tacsida tiiraanyada leh laqeybsanayaa Qoyska ehelka, Asxaabta iyo dhamaan Dowlad Goboledka Hirshabelle geeridii Naxdinta laheyd ee ku timid Marxuum Xildhibaan Cabdiqaadir Faarax Axmed “Karaani” waxuuna Alle uga baryey inuu Janatul Fardowsa Hoygiisa kadhigo Samir iyo Iimaana naga wada siiyo”
Ugu dambeyn Guddoomiyaha Baarlamaanka Hirshabeelle ayaa Xildhibaannada iyo Mas’uuliyinta kale ee Dowladda uga digay ay Al-Shabaab ka geysan karaan deeganada Dowlad Goboledka Hirshabelle, loona baahanyahay inay muujiyaan feejignaan dheeri ah.