Ra’iisal Wasaaraha Somaliya, Maxamed Xuseen Rooble ayaa shaqada ka joojiyay Taliyaha Hay’adda Nabad Suggida & Sirdoonka Qaranka (NISA), Fahad Yaasiin Xaaji Daahir, isagoona xilkaasi si ku-meel-gaar ah ugu magacaabay Sarreeye Guud Bashiir Maxamed Jaamac (Bashiir Goobe) oo horey u xilkan u soo qabtay.
Qoraal ka soo baxay Xafiiska Ra’iisal Wasaaraha ayaa Fahad Yaasiin lagu faray in muddo saddex cisho ah uu xilka ugu wareejiyo S/guud Bashiir Goobe.
Ra’iisal Wasaaraha ayaa sidoo kale Xeer Ilaaliyaha Guud ee Maxkamadda Ciidamada Qalabka Sida faray inuu baaritaan dhameystiran ku sameeyo kiiska Ikraan Tahliil Faarax, isla-markaana uu horgeeyo maxkamadda awoodda u leh.
Ra’iisal Wasaare Rooble ayaa Sabtidii Fahad Yaasiin ka dalbay in muddo 48 saac ah uu ku soo gudbiyo warbixin dhameystiran, oo ku aaddan kiiska Ikraan Tahliil.
Ra’iisal Wasaare Rooble oo shaqo joojin ku sameeyay Taliyaha NISA
previous post