Guddiga hirgelinta doorashooyinka Puntland ayaa Maanta oo Khamiis ah Magaalada Garoowe diiwaangelin ugu sameeynaya musharrixiinta lix kamid ah kuraasta Golaha Shacabka oo degaan doorashadooodu tahay Puntland.
Kuraasta oo doorashadooda la qabanayo Maalinta Berito oo Jimce ah ayaa la shaaciyay liiskooda habeen ka hor, waxaana kuraasta musharrixiinta ku tartami doonta Maanta la diiwaangelinayo ay kala yihiin.
1: Hop#198 oo uu ku fadhiyo Saleemaan Maxamuud Xaashi.
2: Hop#199 oo ay hadda ku fadhiso Xaawo Yuusuf Axmed.
3: Hop#191 oo uu ku fadhiyo Daahir Maxamuud Muuse.
4: Hop#073 oo uu ku fadhiyo Cali Axmed Jaamac Jangali oo xilal kala duwan kasoo qabtay dowladihii soo maray dalka.
5: Hop#221 oo dhowrkii sano eea soo dhaafay uu ku fadhiyo Daa’uud Maxamed Cumar (Bisinle).
6: Hop#129 oo ay ku fadhiso Sacdiyo Yaasiin Xaaji Samatar.
Maamulka Puntland ayaa soo geba-gabeeynaya doorashada kuraasta Golaha Shacabka, waxaana kaliya harsan Maamulada Hir-Shabeelle & Jubbaland.
