Kusimaha Madaxweynaha ahna Madaxweyne kuxigeenka Galmudug Cali Daahir Ciid ayaa Shir gudoomiyay Shirka Amniga Dagmada Cabudwaaq ee Gobolka Galgaduud.
Shirka oo ay ka qayb galeen maamulka Dagmada, Laamaha Amniga Dagmada, Garsoorka Dagmada iyo Gudiga Wacyigalinta, Horumarinta iyo Dib u Heshiisinta Cabudwaaq ee uu dhawaan Magacaabay Madaxweyne kuxigeenka Galmudug.
Shirkaan ayaa waxaa diirada lagu saaray sidii Amniga Dagmada Cabudwaaq oo hadda so hagaagay sare loogu sii qaadi lahaa isla maarkana uu u noqon lahaa mid la isku haleyn karo.
Shirka oo ay hadalo ka soo jeediyeen dhinacyadii fadhiyay ayaa ugu danbeyn waxaa lagu heshiiyay in maamulka Dagmada, Laamaha Amniga Dagmada, Garsoorka Dagmada iyo Gudiga Wacyigalinta, Hormarinta iyo Dib u Heshiisinta Cabudwaaq in ay iska kaashada Xasilinta Magaalada iyo Hormarinteeda ayago kaashanaya Xildhibanada Deeganka iyo Wasaaradaha ay quseeyso.
Degmada Cabdudwaaq ee Gobolka Galgaduud ayaa waxaa dhawaan ka dhacay dilal la xiriiray aanooyin qabiil, waxana taasi ay keentay in dowladda Soomaaliya & Maamulka Galmudug ay geeyaan Ciidamo ka hortagga dilalkaas.