Munaasabadda xil wareejinta oo ka dhaceysa Barxadda Madaxtooyada ayaa waxaa ka qeyb geli doona labada Madaxweyene ee xilka isku wareejinaya, Guddoonka labada Aqal, taliyeyaasha Ciidamada, Xildhibaannada iyo Golaha Wasiirada iyo marti sharaf kale.
Madaxweynaha Soomaaliya Xasan Sheekh Maxamuud iyo Madaxweynaha xilka kasii degaya ee Maxamed Cabdullaahi Farmaajo ayaa khudbado koo kooban ka jeedin doona munsaabadda xil wareejinta iyo xubnaha kale ee lagu marti qaaday.
Wararka la helay ayaa sheegaya in madaxweyne Xasan Sheekh markii uu xilka la wareego uu Agaasimaha Madaxtooyada u Magacaabi doono Sanoter hore Xuseen Sheekh Maxamuud oo kasoo jeeda degaannada Koonfur Galbeed gaar ahaan Gobolka Bakool.
Madaxweynaha xilka kasii degaya ee Maxamed Cabdullaahi Farmaajo ayaa waxaa la doortay 8-dii Bishii Febaraayo ee sanadkii 2017-kii waxaana uu xilka haayay in ka badan 5 Sano, iyada oo uu inta uu xafiiska joogay dalka ay ka dhaceen dhibaatooyin kala duwan.
