laamaha Amniga dowlad degaanka oo sheegay inay soo afjareen weerarkii Al-Shabaab written by Warsan Radio 24/07/2022 Warsaxaafadeed ka soo baxay Golaha Ammaanka ee Dawlada Deegaanka Soomaalida ayaa lagu faah faahiyay dagaal qaatay muddo Afar Maalin ah oo Ciidamada dowlad degaanka Somaalida ay la galeen Ururka Al-Shabaab.Warsaxaafadeedka oo aad u dheer ayaa lagu sheegay in Afar Maalin kadib lasoo afjaray weerarkii kaga yimid dhinaca Al-Shabaab, isla markaana khasaaro xoogan lagu gaarsiiyay, iyaga oo doonayay inay sii galaan degaano kuyaalla degaanka Oromada.Sidoo kale laamaha Amniga dowlad degaanka ayaa sheegay in Al-Shabaab ay kadileen in ka badan 100 Xubnood, sidoo kalena ay ka gubeen 13 Gaari oo ay wateen, waxaana Warsaxaafadeedka uu u qornaa.Waxaa la soo afjaray kooxdii Al-Shabaab ee 4 maalmood ka hor duulaanka ka soo qaaday aaga “Aato” ee soo gashay Gobalka Afdheer kadib markii ay Ciidamada Xooga Gaarka ee DDS ay ku hareereyeen aaga “Hulhul”, waxaana la laayay dhamaanba Xubnihii katirsanaa Al-Shabaab.Kooxdan Alshabaab ayaa ujeedkooda iyo damacoodu ahaa in ay galaan Deegaanka Oromiya iyagoo raba in ay sii maraan Dagmada Celkari oo ay ku biiraan kooxda argagixisada ee Shane.Al-Shabaab iyagoo an gaarin halkii ay u socdeen ayaa waxaa laga gubay 13 Baabuur oo ay wateen, waxaana laga qabtay dhamaanba Hub, isgaarsiin iyo Agabkii ay wateen.Hawlgalka ay Ciidamada Xooga gaarka DDS ay qaadeen sadex dii maalmood ee la soo dhaafay ayaa waxaa lagu dilay in ka badan 100 xubnood oo ka tirsanayd Alshabaab.Guusha ay gaareen ciidanka xooga gaarka ee Dawlada Deegaanka Somaalida iyo in la soo af jaro hawlgalka waxaa qayb libaax ka qaatay Shacabka Deegaanka Soomaalida , oo Ciidamada Xooga gaarka ah garab istaag heerkii usaraysay umuujiyay, iyagoo ugu deeqay Raashin kala duwan, Xoolaha nool, Cabitaanno, Lacag iyo waliba Dhiig shubis.Sidas darteed Golaha amaanka ee Dawlada Deegaanka Soomalidu waxa uu u mahad celinayaa shacabka Deegaanka oo sidii horayba loogu yaqiinay ugarab istaagay Ciidamadooda.Ugu dambayn Goluhu waxa uu shacabka la wadaagi doonaa xogaha ku saabsan Hawlgalka ayaa lagu soo geba-gabeeyay warsaxaafadeedka. laamaha Amniga dowlad degaanka oo sheegay inay soo afjareen weerarkii Al-Shabaab was last modified: July 24th, 2022 by Warsan Radio 0 comment 0 Facebook Twitter Google + Pinterest previous post Dhageyso:-Barnaamijka Kulanka Warsan next post Madaxweyne Xasan Sheekh oo Maanta kuwajahan dalka Masar You may also like Diyaarad ku burburtay Shiinaha & khasaaro ka dhashay 21/03/2022 Akhriso+Sawiro:-Ra’iisul WasaareKhayre oo Booqday Xarunta Gurmadka Degdegga Ah Iyo Isbitaalka Erdoğan 29/12/2019 Ciidamada Maraykanka oo duqeyn ka geystey degmada Saakow 25/12/2020 Dhageyso;- Barnaamijka Arimaha Caalamka 08/02/2022 Dhageyso:-Barnaamijka Kulanka Warsan 19/11/2019 Mareykanka oo xiray qunsuliyadda Shiinaha ee Houston 23/07/2020 Guddoomiyaha maamulka gobolka Hiiraan oo qeylo-dhaan muujiyay 15/03/2022 Hanti dhowrihii Jubbaland oo geeriyooday iyo Axmed Madoobe oo ka tacsiyeeyay 29/04/2021 Dunida oo Laga Xusayo Maalinta Xuriyadda Saxaafadda 03/05/2020 Dhageyso;- Warka Fiidnimo ee Idaacda Warsan 06/01/2022 Fariintada Nogu soo dir E-mail Adres warsanradiobidoa@gmail.com warsannews@yahoo.com Leave a Comment Cancel Reply Save my name, email, and website in this browser for the next time I comment.