Gudoomiyaha Maamulka Degmada Baydhabo Ahna Duqa Magalada Mudane Abdulaahi Ali Watiin iyo Wafdi isugu jira Xildhibaano iyo Maamulka Gobalka Baay ayaa Maanta Booqasho ku tagay Degaanka Awdiinle Ee Gobalka Baay oo Qiyaastii 30km u jira Degmada Baydhabo.
Gudoomiyaha Degmada iyo Wafdigiisa ayaa u jeedka Safar kooda waxa uu ahaa u kuur galida Xaalada Degaanka sida Waxbarashada ,Caafimaadka, Amniga iyo saameynta Abaarta ay ku yeelatay dadka deegaanka .
Gudoomiyaha Degmada Baydhabo ayaa socod ku maray Dhamaan Suuqyada Degaanka, Qaar ka mid ah Ceelasha biyaha Laga cabo ee Deegaanka , Cisbitaalka iyo Saldhiga Booliska.
Gudoomiyaha ayaa inta uu ku sugnaa Deegaanka Awdiinle kulan la qaatay wax garadka, Odayaasha iyo Dhalanyarada ,waxa uuna ka dhageystay Baahiyaha ka jira deegaanka ee xiligaan Wax laga qaban karo.
Degaanka Awdiinle iyo Degaanada kale ee hoos taga Degmada Baydhabo ayaa Saameyn Abaarka Ka jirta Dalka.
Duqa Degmada Baydhabo ayaa Balan qaaday in Dadka degaanadaas si deg deg ah loogu soo gurman doono, waxa uuna sidoo kale Hey’addaha Gar gaarka ugu baaqay in gurmadka kaalintooda ay ka qaataan.