Madaxweynaha Maraykanka, Donald Trump ayaa ku dhawaaqay in Xukuumaddiisa ay dib uga laabatay qorshahaa inay awoodda saarto sidii loo furi lahaa marinka Hormuz isla markaana Maraakiibta shidaalka ee halkaas ku xayiran si awood ah looga gudbin lahaa Iiraan oo hortaagan.
Ujeedka qorshahaan cusub uu u qaatay maamulkiisa ayuu Donald Trump ku sheegay in uu rajo fiican ka qabo wadahadalka Iiraan oo xal aan xabbad ahayn lagu soo afjaro xiisadda saamaysay isu gudubka Maraakiibta ee Marinka Hormuz.
“Waxa aan joojiyay qorshihii xorriyad ku gudubsiinta Maraakiibta ee Marinka Hormuz maadaama horumar wayn laga sameeyay sidii heshiis dhammaystiran oo kama dambays ah loola gali lahaa wakiillada Iiraan” ayuu yiri MW Maraykanka, Donald Trump.
Iiraan ayaa dunida tustay in aanay maamulka Madaxweyne Donald Trump si qasab ah u gudbin Karin Maraakiibta ay kahor istaagtay Marinka Hormuz, waxa ay sheegtay in ay culays xooggan saartay ciidamada badda Ameerikaanka ah oo qudhooda cabsi la kulmay.
Donald Trump waa nin is baddel badan oo daqiiqad weliba dib uga laaban kara go’aan uu horay u gaaray, waa tan keentay in ay Iiraan si cad ugu sheegto in aanay is dhigan doonnin xitaa haddii ay heshiis dhammaystiran la galaan.
