Madaxweynaha Mareykanka Donald Trump ayaa ansixiyay heshiis dalka Sacuudi Carabiya u oggolaanaya in uu yeesho Nuklliyeer loogu talagalay arrimaha rayidka.
Sida uu baahiyay Wargeyska Wall Street Journal, Nukliyeerkan ayaa lagu sheegay in Sacuudiga markii ugu horreysay loo oggolaaday inuu horumariyo Macdanta Yuraaniyamka.
Heshiiskan cusub oo socon doona muddo 30 sano ah ayaa waxaa fulintiisa ka wada shaqeyn doona Shirkado kala matalaya labada dowladood ee Mareykanka iyo Sacuudiga.
Sidoo kale, heshiiskan ayaa waxaa dhaqaale badan ka faa’iidi doona Shirkadaha tiknoolajiyada ee Mareykanka ee ku takhasusay tamarta Nukliyeerka.
Sacuudiga wuxuu rabaa inuu koronto ka dhaliyo Nukliyeerka si uu u yareeyo shidaalka uu gubo gudaha dalkiisa, isagoo markaas doonaya inuu shidaal badan dibadda u dhoofiyo.
