Baydhabo Somaliya{WMN}- Waxaa munaasabadda qalin jabinta kala soo qaybgalay mas’uuliyiin ay ka mid ahaayeen gudoomiyaha degmada Baydhabo iyo wasiirka waxbarashada koonfur galbeed.
Cabdirasaaq xaaji xuseen gaaboow oo ah gudoomiyaha jaamacadda koonfurta oo furitaankii hadalka khudbad kooban jeediyay ayaa faahfaahin ka bixiyay macalimiinta qalin jabinaysa iyo marxaladihii ay soo mareen labadii sano ay tababarka ku jireen iyo waxa ay ka badali karaan tayada waxbarashada aasaasiga ah ee dugsiyada ka jira magaalada Baydhabo.
Sarkaalka hay’adda NRC u qaabilsan dhinaca waxbarashada Cabdulaahi Cali Abtidoon socotay hay’adda NRC ee fududaysan qarashaadka ku baxay macalimiintan dhamaystay kuliyadda waxbarashada jaamacda Koonfurta Soomaaliya ayaa sheegay in ay ahayd ujeedadad ay u curiyeen mashruucan in sare loo qaado tayada waxbarashada ardayda si ay u soo baxann arday leh aqoon aasaaskeedu adagyahay.
Cabdulaahi Cali watiin waa gudoomiyaha Degmada Baydhabo, mar hadlay waxaa uu sheegay in uu aad ugu faraxsanyahay in ay soo baxaan macalimiin ka qalin jabisay kuliyadda waxbarashada oo la jaanqaadi kara manhajka dalka si loo helo arday taqaana taariikhda iyo joqoraafiga dalka.
Wasiirka waxbarashada Koonfur Galbeed Maxamed Abuukar Cabdi oo gabagabadii xafladda hadlay ayaa waxaa uu ka sheekeeyay muhiimadda waxbarashada aasaasiga u leedahay bulshada, waxaa kaloo uu xusay in manhajka Soomaaliga la siindoono ahmiyad wixii hadda ka danbeeyana ay koontorooli doonaan aqoonta macalimiinta oo iskuul walba oo ku yaala Koonfur Galbeed ay kormeeri doonaan agaasimiyaal ka socdo wasaaradda waxbarashada Koonfur Galbeed.
Macalimiintan dhamaysatay kuliyadda waxbarashada jaamacadda Koonfurta ayaa kala ah 36 rag ah iyo sagaal gabdho ah. Waxaana looga fadhiyaa in ay tayeeyaan waxbarashada kadib markii laba sano ay baranayeen maadooyin la xiriira macalinnimada iyo xeeladaheeda
