Madaxweynaha Puntland, Siciid Cabdullaahi Deni ayaa goor dhow gaaray Magaalada Dhuusamareeb ee Xarunta Maamulka Galmudug.
Wafdiga Madaxweynaha Puntland ayaa waxaa Garoonka Ugaas Nuur ku soo dhaweeyay masuuliyiin uu horkacayay Madaxweynaha Galmudug, Axmed Cabdi Kaariye (Qoorqoor).
Madaxweyne Deni ayaa ku biiraya Madaxweyne-yaasha Hirshabelle iyo Koonfur Galbeed oo shalay iyo maanta kala gaaray magaaladaasi.
Dhanka kale Madaxweynaha Jubbaland, Axmed Maxamed Islaam (Axmed Madoobe) ayaa goor dhow gaaray Magaalada Dhuusamareeb ee Xarunta Gobolka Galgaduud.
Axmed Cabdi Kaariye (Qoorqoor), Madaxweynaha Galmudug iyo masuuliyiin kale ayaa Garoonka Ugaas Nuur ku soo dhaweeyay Madaxweynaha Jubbaland.
Madaxweynaha Jubbaland ayaa noqday Madaxweynihii ugu dambeeyay ee gaara Magaalada Dhuusamareeb, waxaana horey u gaaray Madaxweyne-yaasha Hirshabelle, Koonfur Galbeed iyo Puntland.
Madaxda Maamul Goboleedyada ayaa shir dhawr maalmood socon doono ku leh Magaalada Dhuusamareeb, ka dib markii uu fashilmay shirkii lagu waday inay ku yeeshaan Magaalada Muqdisho.
