DMashruuca Waxbarashada Madaniga ah waa mashruuc loogu tala galay in kor loogu qaado wacyiga iyo aqoonta bulshada reer baydhabo ayadoo la adeegsanaayo tobabaryo siminaar, Wadatashi bulsho, Saxaafads, Bandhig faneed iyo Tartan aqooneed loo qabanato iskoolaadka.
Masruuca waxaa daaha laga rogay bishii Oktober sanadkii 2015 ayadoo laiskugu yeeray dad gaarayo 150 qof oo isugu jira Maamulka Gobolka, kan degmada, ururka haweenka, Dhalanyarada, Ururuda aan dowliga aheyn, baahda saxaafada iyo hayadaha caalamiga iyo UN ka si aay qeyb oga ahaadaan daahfurka mashruuca.
Mamulka degmada ayaa isla bishii October 2015 soo xulay 32 Qof oo laga xulanayaay 16 macalimiin loo tobabaraayay inaay wadatashi bulsho u sameeyaan tobanka xaafadood ee magaalada baydhabo.
16 kii qof ayaa waxaa la siyaay tobabar ku saabsan qaabka bulshada wadatashi loola sameeyo ayado la adeegsanaayay manhaj aay soo diyaariyeen dad khubura ah. Waxaana la tobabaray mudo afar iyo toban maalmod.
Tobobarayaashii la tobabaray ayaa waxaay tobobar iyo kulamo wadatashi u qabteen dad gaarayo 160 qof oo laga soo xulay 10 ka xaafadood ee baydhabo mudo dhan 16 maalmood bishii Novembar 2015.
Bishii 10 naad 2015 ayaa waxaa la sameeyay xog aruurin ku saabsan Waxbarashada madaniga si loo ogaado heerka wacyiga iyo aqoonta bulshada 10 xaafadood ee baydhabo.
Waxaa la qaatay 16 xog aruuriyaal kuwaaso soo wareestay qeybaha kala duwan ee bulshada muda dhan 7 ba maalmod, afkaartodana soo qoray. Waxaa markaa ka bacdi la falanqeeyay xogtii waxaana laga soo saaray war qoraaleed.
Mashruuca wuxuu sidoo kale duubay si muuqaal ah dhamaan howlihii sadaxdii bilood ee ugu horeesay si documentariga loogu daro oo la soo saari doono gaba gabada mashruuca. Wijigii koowad ee mashruuca cilmiga madaniga halkaas ayuu si wanaagsan ugu soo gabagaboobay.
