Shir looga hadlayo tayeynta iyo dhismaha Dowladaha Hoose ee maamul goboleedyada ayaa maanta ka furmay magaalada Baydhabo ee xarunta gobolka Baay.
Shirka ayaa waxaa ka qeyb galay xubno ka socda dowlad goboleedyada ka jira dalka Soomaaliya , sida Galmudug, Koonfur Galbeed, Jubbaland Puntland, iyo sidoo kale xubno matalaaya gobolada aan wali loo sameyn dowlad goboleed.
Yaxye Cali Ibraahim oo ah xoghayaha joogtada ah wasaarada arimaha gudaha Soomaaliya ayaa sheegay in shirkaan lagu tayeynaayo dowladaha Hoose maamul goboleedyada.
Shirkaan ayaa ah midkii shanaad waxaana horay loogu soo qabtay qaar ka mid caasimadaha dowlad goboleedyada sida Kismaayo , iyo Cadaado.