Hoos ka Dhageyso: Barnaamijka Dhalanyarada Idacada Warsan,Todobaadkaan Barnaamijka waxaa marti ku ah Tafatiraha Idaacada Warsan ahna qof dhalanyara ah Heer lataaban karana ka gaaray dhanka saxaafada.
Wararka laga helayo Gobolka Sh/Dhexe ayaa sheegaya inuu Tuulada Guulane oo hoos tagta degmada Aaden-yabaal uu gaaray Agaasimaha Canshuurta Berriga ee Wasaaradda Maaliyadda Xukuumadda Soomaaliya Muxyadiin Xasan Jurus.
Wararka ay heleyso Warbaahinta Risaala ayaa sheegaya Agaasime Muxyadiin Jurus uu ka baxsaday xalay xilli danbe, kadib markii uu ka war helay qorshe la sheegay in lagu xiri lahaa.
Muxyadiin Jurrus ayaa la sheegay inuu Tuulada Guulane oo uu kasoo jeedo ku abaabulayo maleeshiyo, ayna halkaasi ku ilaalinayaan maleeshiyo ay isku heyb yihiin.
Mas’uuliyiin ka tirsan Maamulka Hirshabeelle iyo dadka degaanka ayaa xaqiijiyay in Agaasimahan uu gaaray degaanka uu kasoo jeedo, waana m,as’uulkii ugu sareeyay ee ka baxsada xukuumadda Federaalka.
Xariga Agaasimahan sare ee ka tirsan Wasaaradda Maaliyadda ayaa ka mida olole baaritaan oo ay waday Xeer ilaalinta dowladda oo ku saabsan musuqmaasuqa ka dhex jira Hay’adaha dowladda oo ilaa hadda oo xiray mas’uuliyiin ka tirsan Wasaaradda Maaliyadda.
Xiriir aan la sameynay Agaasimaha Muxyadiin Jurus ayaanay noo suuragelin, kadib markii uu qaban waayey telefoonka.
Madaxweynaha dalka Uganda Museveni ayaa sheegay in uu qorsheeynaayo sidii Ciidamada Uganda ee ku sugan soo soomaaliya uu ugu iibin lahaa diyaaradaha aan duuliyaha lahayn ee loo yaqaan Drones-ka haddii aysan taageero ka heli karin la-hawlgalayaasheeda.
Madaxweyne Museveni ayaa sheegay inay taageero xagga hawada ah ka rabeen Turkiga iyo Maraykanka, balse aanay waligood ka helin taageeradaas.
Madaxweyne Museveni wuxuu ku eedeeyay ciidamada Mareykanka ee ka howlgala Soomaaliya diyaaradaha aan duuliyaha laheyn ee Drones-ka ah in aysan wax jawaab ah ka bixin weerarkii lagu qaaday saldhigga ciidamada Uganda ee Buulo Mareer.
Warkaan ayuu madaxweynha Uganda ka sheegay kulan uu la qaatay taliyayaasha ciidamada Uganda ee qeybta ka ah howlgalka ATMIS’ Kulankaas oo Museveni uu dhaleecayn ugu jeediyay Wadamada Soomaaliya ka taageera weerarada dhinaca circa ah.
Uganda ayaa 54 askari looga dilay weerarkii dhammaadkia bishii may ka dhacay saldhigga Buulo Mareer.
Hoos ka Dhageyso: Warka Fiidnimo ee Idaacada warsan oo idin soo jeedinaayo Hassan Ibraahim.
a’iisul Wasaare Ku-xigeenka Xukuumadda Jamhuuriyadda Federaalka Soomaaliya Mudane Saalax Axmed Jaamac ayaa guddoomiyey kulanka Guddi Hoosaadka Golaha Wasiiradda ee Tiirka Amniga Qaran oo lagu soo bandhigay qodobo muhiim u ah xoreynta iyo xasillinta dalka, Cunaqabaynta Hubka iyo qorshaha dhimista Ciidanka ATMIS.
Shirka ayaa lagu soo bandhigay warbixinno la xiriira howlgallada socda ee lagu xasillinayo amniga guud ee dalka iyo wajiga labaad ee Hawgallada ka dhan ka ah Alshabaab .
Kulanka ayaa lagu gorfeeyey qabyo-qoraalka heshiiska mamnuucista tijaabinta hubka halista ah ee Nukleerka iyo Xeerka Amniga Hoteelada, Goobaha Ganacsiga iyo Xarumaha Adeegga Bulshada.
Sidoo kale kulanka ayaa looga hadlay u diyaar garowga qorshaha dhimista Ciidamada Midowga Afrika ee ATMIS, warbixin la xiriirta halka uu marayo qaadista cunaqabataynta hubka iyo qoondeynta Ciidanka Booliska Soomaaliya ee Maamul Goboleedyada, gaar ahaan ciidamada amniga ee la geynayo deegaannadii dhowaan laga saaray Alshabaab.
Wasiirka Wasaaradda Arrimaha Guddaha,Federaalka iyo dib u heshiisiinta Xukuumadda Federaalka Soomaaliya Axmed Macallin Fiqi ayaa Maanta gaaray magaaladda Kismaanyo oo ah xarunta gobolka Jubada Hoose.
Madaxwayne ku Xigeenka 1-aad ee Maamulka Jubbaland Maxamuud Sayd Aadan ayaa Garoonka Diyaaradaha ee Sayd Maxamed Cabudlle Xasan ee Magaalada Kismaayo kusoo dhaweeyay Wafdi uu Hoggaaminaayo Wasiirka Wasaaradda Arrimaha Gudaha, Federaalka iyo Dib-u-heshiisiinta XFS Mudane Axmed Moallim .
Wasiir Fiqi ayaa Magaalada Kismaayo u Tagay Shirka Isku Dubbaridka Xasilinta Qaran oo ay soo agaasintay Wasaaradda Arrimaha Gudaha, Federaalka iyo Dib-u-heshiisiinta Xukuumadda Federaalka Soomaaliya .
Shirka waxaa kasoo qaybgalaya Xubno ka socda Wasaaradaha Maamul Goboleedyada Dalka, Wasaaradaha iyo Hay’adaha heer Federaal oo ay shaqadoodu la xiriirto arrimaha Xasilinta iyo saaxibada caalamiga ee Soomaaliya ka taageera Arrimaha Xasilinta.
Baydhabo-{WMN}-Barnaamijka Kulanka Warsan waxaad Caawa kaga boganidoontaan Wareeysiyo aad xasaasi u ah, khudbadiha shirarkii maanta Madaxda Somaliya ay ku qabteen Dalka iyo dibadiisa. waxaa Caawa soo saarey soona jeedinaaya Wariye Yuusuf Sheikh Aden (Qalinle} Dhageysi wanaagsan.
Wararka imaanaya Magaalaada Baledweyne ee xarunta gobolka Hiiraan ayaa sheegay in Ciidamo taabacsan Gudoomiyihii gobolka Hiiraan ee xilka laga qaaday Cali Jeyte Cismaan ay xirteen wadooyinka Magaalada Baladweyne.
Ciidamadaan Taabacsan Cali Jeyte ayaa xirtay wadada laamiga ah ee isku xirta isu Magaalada Baledweyne ilaa garoonka diyaaradaha ee Ugaas Khaliif .
Sidoo kale ‘ wararka ayaa sheegaya Ciidamo kale oo taabacsan Madaxweyne ku xigeenkaa Maamulka Hirshabeelle Yuusuf Dabageed inay wadaan dhaq dhaqaaqyo ay uga hortagayaan ciidamada Taabacsan Gudoomiyhii hore gobolka Hiiraan Cali Jeyte ee xilka laga qaaday.
Hase ‘ahaatee’ Talaabadaan ayaa ku soo aadeysa , Xilli Xalay saqdii dhexe la shaaciyay warqad xilka uu uga qaaday madaxweynaha Hirshabeelle Cali Jeyte Cismaan oo ahaa Gudoomiyhii gobolka Hiiraan .
Lama oga xaalada Magaaladaa Baladweyne halka ay ku dambeeyn doonto , iyadoo haddii aan la xalin xiisdada halkaas ka taagan ay keeni karto dagaal toos ah oo dhexmara ciidaamada Maamulka gobolka Hiiraan iyo kuwa Taageersan Gudoomiyhii hore ee gobolka Hiiraan Cali Jeyte Cismaan.
Wararka imaanaya Magaalaada Baledweyne ee xarunta gobolka Hiiraan ayaa sheegay in Ciidamo taabacsan Gudoomiyihii gobolka Hiiraan ee xilka laga qaaday Cali Jeyte Cismaan ay xirteen wadooyinka Magaalada Baladweyne.Ciidamadaan Taabacsan Cali Jeyte ayaa xirtay wadada laamiga ah ee isku xirta isu Magaalada Baledweyne ilaa garoonka diyaaradaha ee Ugaas Khaliif .
Sidoo kale ‘ wararka ayaa sheegaya Ciidamo kale oo taabacsan Madaxweyne ku xigeenkaa Maamulka Hirshabeelle Yuusuf Dabageed inay wadaan dhaq dhaqaaqyo ay uga hortagayaan ciidamada Taabacsan Gudoomiyhii hore gobolka Hiiraan Cali Jeyte ee xilka laga qaaday.
Hase ‘ahaatee’ Talaabadaan ayaa ku soo aadeysa , Xilli Xalay saqdii dhexe la shaaciyay warqad xilka uu uga qaaday madaxweynaha Hirshabeelle Cali Jeyte Cismaan oo ahaa Gudoomiyhii gobolka Hiiraan .
Lama oga xaalada Magaaladaa Baladweyne halka ay ku dambeeyn doonto , iyadoo haddii aan la xalin xiisdada halkaas ka taagan ay keeni karto dagaal toos ah oo dhexmara ciidaamada Maamulka gobolka Hiiraan iyo kuwa Taageersan Gudoomiyhii hore ee gobolka Hiiraan Cali Jeyte Cismaan.
Tirada dadka ku dhintay daadadka ka soo rogmaday biyo xireenka dumay ee Kakhovka, ayaa gaartay 16 qof sida ay sheegeen saraakiisha Kiyeef.Saraakiisha Ruushka ayaa iyana sheegaya in daanta ay xukumaan ay daadadka ku dhinteen 29 qof.Biyo xireenka dumay ee Kakhovka lixdii bishii June ayaa fatahaad balaaran ku sameeyay Koonfurta Ukrayn iyo qaybaha Ruusku haysto ee Ukrayn, wuxuna baabi’iyay dhul beereed baaxad leh, isagoo sidoo kale jaray marinada wax lagu gaar siin lahaa dadka raiydka ah.