Hoos ka dhageyso Warka Subaxnimo ee Idaacada Warsan oo aqrinaayo Yuusuf Sheikh Aaden.
Ciidamada Booliska Midowga Afrika ee ku meel gaarka ah ee Soomaaliya (ATMIS) iyo kuwa Booliska Soomaaliyeed ayaa si wada jir ah u kordhiyay howlgallada ay ka sameynayaan magaalada Muqdisho ee caasimadda Soomaaliya, si ay u xakameeyaan falalka lidiga ku ah dhanka ammaanka inta lagu guda jiro bisha Ramadaan.
Koox saraakiil ah oo uu hogaaminayay Barrie Yusuf, Madaxa Kooxda ATMIS Joint iyo Ali Mohamed Cusman oo ah Madaxa Howlgalinta Saldhigga Booliska Degmada Wadajir, ayaa sameeyay howlgallo baaritaanno ah oo isugu jiray baro koontorool deg-deg ah oo la dhigay waddooyinka waaweyn. waddooyinka gala xarumaha dawladda iyo xafiisyada.
“Muhiimada kormeerkan wadajirka ah ayaa ah in dadka deegaanka ay ogaadaan in ATMIS ay ka garab shaqeyneyso habeen walba si loo hagaajiyo ammaanka,” ayuu yiri Taliye Ku-xigeenka Booliska Yuusuf.
Sidoo kale waxa uu ku celceliyay in wada shaqayntu ay muhiimad gaar ah u yeelan doonto xaqiijinta in Muqdisho nabad noqoto inta lagu jiro Ramadaanka iyo ka dib.
Hadalkiisa waxaa uu intaasi ku daray in saraakiisha ATMIS iyo Booliska Soomaaliya looga baahan yahay inay feejignaadaan si ay u fashiliyaan ama uga hortagaan weerar kasta oo ay qorsheynayaan Al-Shabaab.
“Muhiimada kormeerkan waa in la dhimo weerarrada kooxaha argagixisada,” ayuu yiri sarkaalka ka soo shaqeeyay Booliska Soomaaliya muddo afar sano ah.
Taliye Maxamed ayaa ku booriyay ATMIS in ay laba jibaaraan dadaalkooda ku aadan howlgallada wadajirka ah ee lagula dagaalamayo amni darada ka jirta Muqdisho iyo deegaanadeeda.
Booliska ATMIS iyo kuwa Soomaaliya ayaa sidoo kale roondo wadajir ah ka wada maamul goboleedyada xubnaha ka ah dowladda Federaalka, taasoo qeyb ka ah dadaallada lagu dhisayo tayada ciidamada ammaanka & kuwa deegaanka.
Tartan aqooneedka Cilmi iyo asluub ee warbaahinta warsan ayaa caawa galaya Habeenkiisii 8aad waxaana caawa waregiii labaad ku tartamaya xaafadaha kala ah Salaameey A Vs Cadaada B.
Hoos Dhageyso Barnaamijka Dhacdooyinka ee Idaacada Warsan oo soo jeedinaayo Sadam Hilal Shueb.
War kasoo baxay taliska qeybta guud ee booliska Gobolka Banaadir ayaa lagu sheegay in saakay 6:00AM xilliga Soomaaliya gacanta lagusoo dhigay ruuxan eedeysanaha ah xilli uu ku sugnaa degmada Wartanabadda.
Waxaana Boolisku sheegay in la baarayo sababta keentay inuu ruuxan ku kaco falka dilka ah
Xilli Safiirka Maraykanka u fadhiya Soomaaliya ee muddo xileedkiisa uu dhamaaday ee Larry André u ugu baaqay Madaxweynaha Somaliland in uu kala fogeeyo ciidamada Laascaanood ku dagaalamaya, isla markaana uu jeexo kharidad doorasho ayaa waxaa warkaas ka jawaabay Madaxweynaha Somaliland Muuse Biixi Cabdi.
Qoraal lagu taabacay Barta Twitterka ee Tv-ga Somaliland ayaa waxaa lagu sheegay in Madaxweynaha Somaliland uu kula dar daarmay dhammaan ciidamada kala duwan inay sii laba jibaaraan dedaalkooda, isla markaana ay ka feejignaadaan cid kasta oo damacsan inay amniga qaranka wax u dhinto.
Tallaabadaan ayaa dad badan u arkaan in ay tahay mid sii xoojineyso colaada Magaalada Laas-Caanood oo ku dhawaad muddo laba bilood ah ay ku dagaalamayaan Ciidamada Somaliland iyo kuwa degaanka ee la Magac baxay SSC.
Colaada Laascaanood ayaa wali taagan iyadoo beesha caalamku ay marar kala duwan ku baaqday in miiska wadahadalka lagu dhameeyo, isla markaana dadaalo dhexdhexaadineed oo ay samaysay Itoobiya aysan guulaysan.
Sidoo kale waxaa Magaalada Laas-Caanood tegay Odayaal dhaqan oo ka tegay Magaalada muqdisho, kuwaas oo howlo dhex-dhexaadin ah waday, balse ay dib ugu laabteen Magaalada Garoowe oo markii hore ay ka tageen kadib markii Somaliland ay diiday dhex-dhexaadinta.
26 bishan ayaa Afhayeen u hadlay Millateriga Somaliland waxaa uu ku dhawaaqay inay qaadayaan weeraro qorsheysan oo ay kula dagaalamayso xoogaga dagaalka kula jira.
Walaac xoogan ayaa laga muujinayaa colaada Magaalada Laas-Caanood ee Xarunta Gobolka Sool, taas oo ay ku dhinteen dad ku dhow 200 oo Ruux sidoo kalena boqolaal qoys ay ka barakaceen.
Madaxweynaha dalka Maraykanka Joe Biden ayaa u magcaabay Richard H. Riley inuu noqdo safiirka cusub ee Maraykanka u joogi doona Soomaaliya, sida lagu sheegay qoraal ka soo baxay aqalka cad.
Safiirka cusub ee Soomaaliya loo magacaabay ayaa haatan xil sare ka haya wasaaradda arrimaha debedda ee Maraykanka, gaar ahaan safaaradda Maraykanka ee Canada.
Richard H. Riley ayaa hore uga soo shaqeeyey dalalka Pakistan, Afghanistan, Iraq, UK, China, Russia iyo Yemen. Danjiraha cusub ayaa bedelaya safiirka Maraykanka haatan u jooga Soomaaliya ee Larry Andre.
Sidoo kale madaxweyne Joe Biden ayaa magacaabay safiis cusub oo dalka Maraykanka u fadhin doona dalka Liberia.
Xildhibaan Matt Gaetz oo katirsan xildhibaanada xisbiga Jamhuuriga ayaa doonaya in ciidamada Mareykanka laga soo saaro Soomaaliya, kuwaas oo kal hore uu Madaxweyne Joe Biden u soo diray Soomaaliya.
Xildhibaanka laga soo doorto Fort Walton Beach, ayaa soo saaray qaraar cusub oo lagu doonayo in lagu qasbo madaxweyne Joe Biden in uu ciidamada Maraykanka ka saaro Soomaaliya.
Gaetz ayaa sheegay inuu gudbiyay qoraal ku qasbaya golaha wakiillada in ay u codeeyaan 18ka maalmood ee soo socda in ciidamada Maraykanka ee jooga meelo ay kamid tahay Soomaaliya laga soo saaro.
“Waa inay sharxaan sababta Soomaaliya ay ugu wanaagsan tahay danaha dadka Mareykanka ee gudaha,” Matt Gaetz oo katirsan xibsiga Jamhuuriga ayaa ku soo qoray bartiisa Twitterka.
Gaetz waxa uu bayaankiisa ku xusay in iyada oo tallaabadii uu ku doonayay in ciidammada Maraykanka laga saaro Suuriya horraantii bishan uu ku guul-darraystay, haddana uu weli taageero ka helay 103 xildhibaan oo ka tirsan labada xisbi oo ay ku jiraan 56 Dimuqraadi ah.
Madaxweyne Joe Biden ayaa horey 500 oo askari u soo diray Soomaaliya bishii May ee la soo dhaafay si ay ula dagaallamaan Al-Shabaab, waxaana xusid mudan in dowladda Mareykanka ay Somalia ka taageerto dinaca amniga, iyada oo mararka qaar duqeymo dhinaca cirka ah ay ku qaado saldhigyada Al-Shabaab.
Xaafada Waabari B 10 dhibcood aga adkaatey Holwadaag A oo ayada heshy 3 dhibcood tartankii caawa ee waregiisa 2aad.
Guddoomiyaha Gobolka Benaadir ahna Duqa Magaalada Muqdisho Mudane Yuusuf Xuseen Jimcaale (Madaale) ayaa Aqalka Dowladda Hoose ee Xamar ku qaabilay Wakiilka Gaarka ah ee Guddoomiyaha Guddiga Midowga Afrika u fadhiya Soomaaliya, ahna Madaxa howlgalka (ATMIS) ee ciidanka Midowga Afrika ka jooga Soomaaliya Danjire Maxamed Al-Amiin Souef.
Kulan dhex maray Duqa Magaalada Muqdisho iyo Wakiilka Midowga Afrika ee Soomaaliya ayaa loogu hadlay xoojinta wada shaqeynta Maamulka Gobolka Banaadir iyo Howlgalka ATMIS, sidoo kale fulinta Qorshaha sugida Amniga Caasimadda iyo guud ahaan howlgallada ka dhanka ah Al-Shabaab ee ka socda dalka.
Guddoomiyaha Gobolka Banaadir ahna Duqa Magaalada Muqdisho Yuusuf Xuseen Jimcaale (Madaale) ayaa ku ammaanay Midowga Afrika (ATMIS) doorka ay ka qaateen horumarka iyo Ammaanka Soomaaliya, iyagoo u huray dhiigooda iyo Naftooda.
Danjire Souef ayaa xusay in ATMIS ay sii wadi doonto taageeradooda ku aadan ciribtirka Al-Shabaab iyo dardargalinta howlgalada ka socdo dalka, asigoona shacabka Soomaaliyeed ku amaanay garab istaaga howlgalada ka dhanka ah Al-Shabaab ee ka socda dalka, taasi oo keentay in Ciidamada xooga dalka ay guulo waaweyn gaaraan.
Ergayga gaarka ah ee Midowga Afrika u qaabilsan Soomaaliya ahna Madaxa howlgalka (ATMIS) ayaa sheegay in ka hor December 2024 oo xilliga u qorsheesan in ay soo gaba-gabeeyaan howlgalkooda Soomaaliya, ay ka go’an tahay in Bulshada Soomaaliyeed ee kala shaqeeyaan Amniga iyo Barnaamijyada horumarinta.