Tartan Aqooneedkii bisha barakakeeysan ee Ramadaan ayaa ka biloowday Idaacadda Warsan, waxaana ka qeeyb qaadanaya 10ka Xaafadood ay ka koobantahay magaalada Baydhabo
Baydhabo-{WMN}-Barnaamijka Kulanka Warsan waxaad Caawa kaga boganidoontaan Wareeysiyo aad xasaasi u ah, khudbadiha shirarkii maanta Madaxda Somaliya ay ku qabteen Dalka iyo dibadiisa. waxaa Caawa soo saarey soona jeedinaaya Wariye Mohamuud Ali Abdullahi (Gaabshaa} Dhageysi wanaagsan.
Guddiga Maamulka Hay’adda Duulista rayidka Soomaaliyeed ayaa faray Maareeyaha Hay’adda Duulista Rayidka inuu joojiyo isku dayada lagu burburinayo jiritaanka Hay’adda iyo madax bannaanideeda, isla markaana lagu bedelayo shuruucda iyo qaab dhismeedka Hay’adda.
Arrintaan ayaa timid, kaddib markii Wasiirka Gaadiidka iyo Duulista Rayidka ay u magacawday nin lagu magacaabo Zakariye Ahmed Faarah Agaasimaha Maamulka Maaliyadda iyo Adeegyada Guud ee Hey’adda Duulista Rayidka.
Guddiga ayaa tallaabadan u arkay mid ka hor imaaneysa shuruucda Hey’adda iyo qaab dhismeedkeeda in cid aan mas’uuliyad ku laheyn howlaha Hey’adda ay xil soo magacawdo.
Hey’adda Duulista Rayidka oo ah Hay’ad ka madax bannaan Wasaradda oo xilalkeeda uu magacaabi karo Mareeyaha guud oo kaliya arrintan ayaa waxa arkay iyo awoodda qaldan ee ay Wasiirada isticmaaleyso Guddiga Maamulka (Board of directors), waana mid ka mid ah arrimihii uu isku casilay Wasiiru dowlaha Wasaaradda Gaadiidka iyo Duulista Hawada.
Ra’iisul Wasaaraha Xukuumadda Federaalka Soomaaliya Xamse Cabdi Barre oo guddoomiyey Shirka Todobaadalaha ah ee Golaha Xukuumadda oo si qoto dheer looga hadlay xaaladda guud ee amniga dalka iyo guulihii ugu danbeeyey ee laga gaaray dagaalka.
Golaha Wasiirada Xukuumadda, ayaa tacsi u direy ehellada dadkii ku dhintay weerarkii maalmo kahor Al-Shabaab ku qaaday Guri ku yaalla degmada Cabdicasiis ee Gobolka Banaadir, halkaas oo lagu daaweynayay macwiisley kusoo dhaawacantay dagaalka Hiiraan.
Sidoo kale, Guddiga Qaran ee Gurmadka Dhulgariirka Turkiga ayaa golaha warbixin ka siiyey howlaha gurmad ee Dowladda iyo shacabka Soomaaliyeed ay kaga qeyb-qaadanayaan Gurmadka walaalaha Turkiga ee masiibadu ay ku habsatay.
Ra’iisul Wasaare ku-xigeenka XFS Mudane Saalax Axmed Jaamac ayaa Golaha Wasiirrada la wadaagay barnaamijka xasilinta deegaannada la xoreeyey, isticmaalka nidaamka guud ee dowliga ah ee hay’adaha caalamiga ah, barnaamijka deyn cafinta iyo xaaladda dhallinyaro Soomaaliyeed oo ku xiran xabsiyo ku yaalla dalka Niger.
Guddoomiyaha Golaha Shacabka Baarlamaanka Jamhuuriyadda Federaalka Soomaaliya Sheekh Aadan Maxamed Nuur (Madoobe) iyo wafdi xildhibaano ah uu hogaaminayo ayaa goor dhow ka dhoofay Garoonka diyaaradaha Aadan Cadde ee Muqdisho.
Guddoomiye Aadan Madoobe iyo wafdigiisa ayaa waxaa Garoonka kasii sagootiyey Xildhibaano ka tirsan Golaha Shacabka, waxaana wafdiga ay u ambabaxeen Caasimada dalka Ciraaq ee Baqdaad,
Guddoomiyaha Golaha Shacabka iyo wafdigiisa ayaa halkaasi ugu qeyb galaya meertada 34-aad ee Midowga Baarlamannadda Dowladaha xubnaha ka ah Jaamacada Carabta oo loo madlanyahay inuu ka furmo magalada Baqdaad.
Sheekh Aadan Maxamed Nuur (Madoobe) ayaa inta uu ku sugan yahay magaalada Baqdaad waxaa uu kulamo la yeelan doonaa qaar kamid ah Guddoomiyeyaasha Baarlamannadda Dowladaha Carabta ee shirka ka qeyb galaya.
Madaxweynaha Somaliland, Muuse Biixi Cabdi, ayaa waxa uu maanta Qasriga Madaxtooyada ku qaabiley safiir ku xigeenka Maraykanka Amb. Tim Trenkle oo safar ku tegay magaalada Hargeysa ee caasimadda Maamulka Somaliland.
Ugu horrayn, Madaxweynaha ayaa waxa uu warbixin ka siiyey xaaladda guud SL, gaar ahaan xaaladda Laascaanood. Waxa kale oo kulankaa lagaga wada hadlay dardar-gelinta xiriirka wada shaqayneed ee labada dhinac ka dhexeeya; sida, xoojinta iskaashiga arrimaha nabadgelyada Geeska Afrika.
Sidoo kale, waxa uu safiirku Madaxweynaha kala hadlay oo uu danaynay sidii dib loogu bilaabi lahaa wada hadalladii hakadku ku yimi ee u dhexeeyey Dawladaha Somaliland iyo Soomaaliya, kuwaas oo qorshahoodu yahay inay dhawaan bilaabmi doonaan.
Ugu danbayntii, kulankaasi waxa uu ku dhammaaday is afgarad buuxa. Waxa Madaxweynaha ku wehelinaayey kulankan Wasiirrada Arrimaha Dibedda iyo Iskaashiga Caalamiga ah Dr Ciise Keyd Maxamuud iyo Warfaafinta Dhaqanka iyo Wacyigelinta Saleebaan Yuusuf Cali Koore.
Golaha Amaanka ee Qaramada Midoobay ayaa soo saaray war-saxaafadeed ay kaga hadlayaan xaaladda Haweenka Soomaalida, nabadda iyo amniga.
Golaha Amaanka sheegay in weerrada sii socda ee Al-Shabaab oo ay weheliso xaaladda bani’aadaminnimo ee daran, abaarta iyo hannaanka siyaasadeed ee caqabadaha wata ay sii kordhiyeen halista ilaalinta dadka soo barakacay, kuwaasi oo 80% ay yihiin dumar iyo carruur.
Golaha Amaanka ayaa ugu baaqeen dawladda Soomaaliya inay muhiim tahay in la baaro, sharcigana lala tiigsado kuwa ka dambeeya Tacadiyada Bani’aadanimo ee ka dhaca Soomaaliya sidoo kalena dhammana dhinacayada inay ixtiraamaan sharciga caalamiga ah ee bani’aadaminnimada iyo xuquuqda aadanaha, iyo in kuwa xadgudubyada gaysta lala xisaabtamo.
Waxay sheegeen in ka sokow ballanqaadka la sameeyey ee ahaa in haweenku helaan 30% ay weli hoosayso ka qaybgalka haweenka ee go’aannada siyaaseed.
Goluhu wuxuu intaas ku dararay in ay dhiirrigelinayaan inay haweeenku si buuxda oo siman u yeeshaan matalaad .
Waxay sheegeen oo kale in haweenka haya mansabka siyaasadeed ay la kulmaan cabsigelin, hagardaamo iyo qalalaase.
Dhinaca kale’ Amaanka Qaramada Midoobay kulan gaar aah k yeeshayColaada Laascaanood ka Taagan Waxaana Golaha uu ugu baaqay Soomaliland in ciidamadeeda ay ka saarto gobolka sool wadahadalna ay la furto Odyaasha Dhaqanka gobolka Sool si nabada iyo xasilloonida loogu soo celiyo gobolkaas .
Golaha Amaanka ee Qaramada midoobay ayaa ugu baaqay dawlada Federaalka Soomaaliya in ay qaadato doorkeeda ku aadan daminta Xiisada ka tagaan Laascaanood.
Golaha Amaanka Qaramada ee Qaramada midoobay ayaa sheegay in lala xisaabtamayo Cida mas’uuliyada madaafiicada lagu gaaracayo Magaalada laascaanood ee Dadka shacabka ah waxyeelada kala duwan ay ka soo gaareyso.
Saraakiisha caafimaadka Falastiiniyiinta ayaa sheegay in ciidamada Israel ay dileen ugu yaraan toban qof ayna dhaawaceen tobanaan kale intii lagu guda jiray duullaan ay ku qaadeen Daanta Galbeed ee la haysto.
Hay’adda Bisha Cas ee Falastiin ayaa sheegtay in dhakhaatiirteedu ay daweeyeen afartan iyo shan qof oo qaba dhaawacyo rasaas ah iyo in ka badan laba boqol oo qof oo oo ay waxyeeleysay sunta dadka ka ilmaysiisa.
Weerarradii ay Askarta Israa’iil ku qaadeen Aagagga u dhow Nablus iyo Jenin ayaa sii xoogaystay sannadkii hore ka dib weerarro is-daba joog ah oo Israa’iil ka dhacay oo ay geysteen kooxo Falastiiniyiin ah.
Wasiiru-dowlaha wasaaradda Gaadiidka iyo Duulista Hawada ee Xukuumadda Soomaaliya Maxamed Cali Cumar (Caana-nuug) ayaa is-casilay, sida ku qoraan waarqad uu soo saaray .
Wasiir (Caana-nuug) ayaa sida uu ku caddeeyay qoraalka uu soo saaray uga hadlay iscasilaadiisa oo uu gudbiyay Ra’iisal wasaaraha Xukuumadda Soomaaliya Xamse Cabdi Barre .
Wasirka ayaa sheegay sababta uu isu casilay ay tahay ka dib markii ay soo gaartay cabashooyin joogto ah, oo shirkado iyo qanderaasleyaal bixiya adeegga garoonka Aadan Caddey, oo heysta ruqasado shaqci ah oo soo maray habraaca sharci ee dalka, kuwa wasaaradda u deggan iyo wax ka qabasha la’aanta Ra’isul Wasaaraha dhammaan eedaha kor ku xusan, waxaan go’aansay in maanta laga billaabo aan caddeynayo inaan iska casilay xilkii Wasiir-dowlaha wasaaradda Gaadiid iyo duulista Hawada ayuu yiri’ Wasiir Maxamed Cali Cumar (Caana-nuug)oo qoraalkaas oo ka haadlayay sababta uu isku caslay.
Baydhabo-{WMN}-Barnaamijka Kulanka Warsan waxaad Caawa kaga boganidoontaan Wareeysiyo aad xasaasi u ah, khudbadiha shirarkii maanta Madaxda Somaliya ay ku qabteen Dalka iyo dibadiisa. waxaa Caawa soo saarey soona jeedinaaya Wariye Mohamuud Ali Abdullahi (Gaabshaa} Dhageysi wanaagsan.