Hoos ka dhageyso Warka Subaxnimo ee Idaacada Warsan oo aqrinayo Yuusuf Sheikh Aadan.
Wasaaradda Amniga Gudaha Hirshabelle oo ka duuleysa go’aamadii laga gaaray la dagaalanka Al-Shabaab ayaa cadeysay in cidkasta oo la shaqeysa, utagta ama u hogaansanta awaamiirtooda ay ku xukun yihiin Al-Shabaab.
Qoraal kasoo baxay Wasaaradda Amniga Hir-Shabaab ayaa guud ahaan Shacabka iyo cidkasta oo kunool degaannada Hir-Shabeelle uga digtay la macaamilka Al-Shabaab.
Hoos ka Akhriso Qoraalka Wasaaradda.
Baydhabo-{WMN}-Barnaamijka Kulanka Warsan waxaad Caawa kaga boganidoontaan Wareeysiyo aad xasaasi u ah, khudbadiha shirarkii maanta Madaxda Somaliya ay ku qabteen Dalka iyo dibadiisa. waxaa Caawa soo saarey soona jeedinaaya Wariye Yuusuf Sheikh aden(Qalinle} Dhageysi wanaagsan.
Mogadishu, 18/01/2022, Machadka Cilmibaarista iyo Daraasadka Siyaasadda ee Muqdisho ayaa Waxa uu soo qaban qaabiyey Barnaamij Dood Wadaag ah oo ku saabsan Siyaasadda Mareykanka ee Afrika, oo uu marti ku ahaa Safiirka Mareykanka ee Soomaaliya Mr Larry Andre.
Dooda Waxaa ka soo qeyb galay marti kala duwan oo isugu jirta, Siyaasiyiin, Xildhibaano, Haween, Bahda Waxbarashada, Ururada Saxaafada, ururada Bulshada rayidka ah, Rugta Ganacsatada Soomaaliyeed, Midowga Jaamacadaha Soomaaliya, Midowga Bankiyada iyo aqoonyahanno magac ku leh dalkeenna.
Waxaa ugu horeyn dooda furay Guddoomiyaha Machadka Yasir Mohamed Abdirahman kuna soo dhaweeyey Safiir Larry.
Safiirka Mareykanka ayaa khudbad ka jeediyey shirka Waxa uuna sheegay in Dowlada Mareykanka ay Afrika gaar ahaan Soomaliyab ay door muuqda iyo waxqabad la taaban karo ka saameeyeen dhowr qeybood oo muhiim ah horumarinta kaabayaasha Bulshada iyo Dowladnimada.
Dooda oo socotay qiyaastii laba saacadood ayaa ka soo qeyb galayaasha waxa ay su’aalo toos ah ay weydiinayeen Safiirka oo taabaneysay dhinacyada Dhaqaalaha, Amniga iyi Siyaasadda Mareykanka ee la xeriirta Dowlad dhiska Soomaaliya iyo Horumarinta guud ee doorka Dowlada Mareykanka ee Soomaaliya.
Ku simaha Ra’iisul Wasaaraha ahna Ra’iisul wasaare ku xigeenk Xukuumadda Federaalka Soomaaliya Saalax Axmed Jaamac, ayaa maanta kulan la qaatay ku xigeenka ergayga gaarka ah ee Xoghayaha Guud ee Qaramada Midoobay Mr Adem Abdelmoula.
Ra’iisul Wasaare ku xigeenka ayaa ergeyga Q.M. kala hadlay xiriirka dowladda Soomaaliya kala dhexeeya hay’daha kala duwan ee Qaramada Midoobay iyo sidii loo sii xoojin lahaa, iyadoo mudnaan gaar ah la siinayo waxyaabaha hortabinta u leh Xukuumadda Soomaaliya.
Mr. Adem Abdelmoula ayaa dhankiisa ballanqaaday in Q.M. ay dowladda Soomaaliya kala shaqeyn doonto xasilinta deegaannada dhawaan laga saaray Al-Shabaab, si loo xaqiijiyo in dadweynaha Soomaaliyeed ay ka soo kabtaan dhibaatada ka soo gaartey dagaalka ay dowladda kula jirto Al-Shabaab.
Ciidanka xoogagga dalka iyo xooggaga deegaanka ayaa weerar culus ku qaaday deegaanka Bacadka faarax Aadan iyo degaan kale oo dhanka qorrax u dhac kaga beegan degmada Xarardheere masaafo 10 KM.
Howlgal xooggan ayaa wali socda waxaana halkaasi ku sugnaa oo la weeraray xubno katirsan Al-Shabaab.
Saraakiil katirsan ciidamada xoogga dalka ayaa sheegay in weerarka uu ka dambeeyay kadib markii ay war ka heleen in Al-Shabaab isku aruursanayeen degaanka Bacadka Faarax Aadan, isla markaana weerarka ay khasaaro ku gaarsiiyeen.
Guddoomiyaha Golaha Shacabka Baarlamaanka Federaalka Soomaaliya Sheekh Aadan Maxamed Nuur (Madoobe) ayaa kulan la qaatay Golaha Malaaqyada Dhaqanka ee Koonfur Galbeed asagoo kala hadlay in kaalintooda odeynimada ah qaataan.
Kulanka odayaasha dhaqanka iyo Guddoomiyaha ayaa diirada lagu saaray sida wajiga koowaad ee dib u heshiisiinta loo mira-dhalin lahaa, waxaana odoyaasha dhaqanka loo xilsaaray in ay xaliyaan khilaafaadka iyo wixii madmadow ah ee Ka dhex jira bulshada.
Guddoomiyaha Golaha Shacabka oo boggaadiyay doorka odayaasha dhaqanka iyo ilaalinta dhaqankeena ku aaddan xalinta khilaafaadka ayuu ku tilmaamay mid mudo soo jirtay, odayaashana ay laf dhabar u yihiin is dhexgalka iyo nabada bulshada Soomaaliyeed.
Madaxweynaha Jamhuuriyadda Federaalka Soomaaliya Xasan Sheekh Maxamuud oo uu wehelinayo Madaxweynaha Dowlad-goboleedka Koonfur-galbeed Cabdicasiis Xasan Maxamed ayaa kormeeray Hosbital-goboleedka Baay, halkaas oo uu dul istaagay adeegyada caafimaad, baahiyaha jira iyo xaaladda bukaannada ku jira.
Madaxweynaha oo warbixinno ka dhageysaty bahda caafimaadka iyo maamulka Gobolka ayaa faray Xukuumadda in ay ka shaqeyso xal u helista baahiyaha caafimaad ee ka jira xaruntan, waxa uuna xusay in dowladdu ay mudnaan siineyso daadejinta adeegyada aas-aasiga ah ee bulshada.
Sidoo kale, Madaxweynaha Jamhuuriyadda ayaa waxa uu booqday Kaamka Barakacayaasha oo ay ku jiraan boqollaal qoys oo ka soo cararay dhibaatada argagixisada, ayna saameeyeen Abaaraha ka jira gobolka, iyadoo Madaxweynuhu uu la wadaagay sida ay dowladdu dadaal ugu bixisay gurmadkooda, ayna socoto abaabulka xoreynta deegaannada ay uga soo barakaceen dhibaatada iyo arxan-darrada argagixisada awgeed.
Madaxweyne Xasan Sheekh Maxamuud ayaa kormeeray qeybaha dugsiga Quraanka iyo iskuulka Hoose Dhexe ee kaamkan oo uu ballan-qaaday dhismihiisa booqashadii hore ee uu ku tagay Baydhabo, haatanna labaduba ay shaqeynayaan, iyadoo Madaxweynuhu uu xoojiyey in uu ka shaqeyn doono sidii loo sii ballaarin lahaa adeegyada waxbrasho ee dadka barakaca ku ah kaamkan iyo horumarinta xarrumahan aqooneed ee uu u hirgeliyey.
Howlgal ay Wadajir u fulinayaan Ciidammada Xoogga Dalka Soomaaliyeed, Sirdoonka Qaranka NISA, Ciidammada deegaanka iyo saaxiibada Caalamiga ah ayaa ka dhacay nawaaxiga deegaanka Xawaadleey oo katirsan gobolka Shabeellaha Dhexe.
Dowladda Soomaaliya ayaa sheegtay in howlgalka uu si gaar ah uga dhacay Beerta Sheekh Qaasim Tuullada Dhagaxoow ee hoostagta deegaanka Xawaadleey ee gobolka Shabeellaha Dhexe.
Sidoo kale Warka kasoo baxay dowladad Soomaaliya ayaa waxaa lagu sheegay in howlgalka lagu dilay in ka badan 25 ka tirsan Al-Shabaab ayadoo sidoo kalena lagu soo furtay hub iyo gaadiid dagaal.
Maalin ka hor ayay aheyd markii xilli aroor ah ay weerar qaraxyo ku billaawday ay Al-Shabaab ku qaadeen Saldhigyada Ciidamada dowladda ku leeyihiin degaanka Xawaadleey, waxaana weerarkaas dadkii ku dhintay kamid ahaa Taliyihii guutada 3 aad qeybta 27 aad Col Abshir Shataqeey.
Diyaarad Helicopter ah oo ku dhacday deegaanka Kyiv ayaa dishay 17 qof, oo ay ku jiraan wasiirkii arrimaha gudaha ee Ukraine iyo labo carruur ah, sida ay sheegeen mas’uuliyiinta Ukraine.
Wasiirka arrimaha gudaha Denys Monastyrskyi, ku xigeenkiisa Yevhen Yenin iyo xoghayihii gobolka ee wasaaradda arrimaha gudaha Yurii Lubkovych ayaa ka mid ahaa dadka ku dhintay shilkan, sida uu sheegay Ihor Klymenko, madaxa booliska qaranka ee Ukraine.
Sagaal ka mid ah dadka dhintay ayaa la socday diyaaradii helicopter-ka ee ku burburtay Brovary, oo ah xaafad bari ka xigta caasimadda Ukraine, sida uu sheegay Klymenko.
Ilaa hadda ma jiro wax war ah oo ku saabsan in shilkaasi uu ahaa shil iyo in uu ka dhashay dagaalka Ruushka ee socda ku dhawaad11-ka bilood.
22 qof ayaa sidoo kale ku dhaawacmay oo ay ku jiraan 10 carruur ah.