Hoos ka dhageyso Warka Fiidnimo ee Idaacada Warsan oo aqrinayo Sadam Hial Shueb.
Xukuumadda Federaalka ah ee Soomaaliya ayaa sheegtay in laamaha Amniga ay isku soo dhiibeen Sarkaal lagu magacaabo Maxamed Cali Xasan oo loo yaqaano Macalin Xudeyfa iyo Saddex Xubnood oo kale oo uu hoggaaminayay, kuwaas oo katirsan Al-Shabaab.
Qoraal kasoo baxay Wasaaradda Warfaafinta ayaa waxaa lagu sheegay inMacalin Xudeyfa & Xubnaha uu horkacayay ay kamid ahaayeen raggii lagu jebiyay dagaaladii ka dhacay Shabeellaha dhexe
Sidoo kale Wasaaradda Warfaafinta waxaa ay sheegtay in gacata lagu dhigay 8 ka tirsan Al-Shabaab, kuwaas oo isku dayay in ay isku qariyaan Dhulka hawdka ah ka dib dagaalladii xooganaa oo ay kala kulmeen Ciidamada dowladda iyo Shacabka hubka qaatay, kuwaas oo ka dhacay degaannada Hir-Shabeelle.
“ Maalin ka hor isla aaggaaas waxaa Ciidamada Qaranka isku soo dhiibay Siciid Raage oo Shabaab ugu magacawnaa nabadoon iyo mid ka mid ah Xubnahooda, waxaana isasoo dhiibayaasha ayaa si wanaagsan ay usoo dhaweeyaan Ciidamada Qaranku waxaana ka go’an Dawladda Soomaaliya in ay daryeesho kuwa ka tanaasula Fikirka Al-Shabaab ayaa lagu yiri” Warka kasoo baxay dowladda.
Ciidanka Booliska Gaarka ah Ee Haramcad ayaa Howlgal Qorshaysan oo ka dhan ahaa Urrurka Al-Shabaab ka fuliyey deegaanka Ceel-Cali oo qiyaastii 15km u jira deegaanka Number 50 ee gobolka Shabeellaha Hoose.
Taliyaha Ciidanka Gaarka ah Ee Haramcad Gaashaanle Cabdixamiid Cabdullaahi Fanax oo howlgalka hoggaaminayay ayaa sheegay in ay burburiyeen xarun Maxkamada oo ay Al-Shabaab dadka lacago uga qaadi jireen dadka Shacabka ah.
Sidoo kale wuxuu sheegay inay howlgallada noqon doonaan kuwo sii socda ilaa dalka laga xorreeynayo Al-Shabaab oo uu sheegay inay dhibaato ku hayaan Shacabka Soomaaliyeed.
Ka sokow howlgalka ay ciidamada Booliska gaarka ah ee Haramcad ka sameeynayeen dalka ayaa waxaa jira howlgallo kale oo Ciidamada NISA iyo kuwa Millateriga ay ka wadaan qaar kamid ah gobolada dalka.
Hoos ka dhageyso Warka Galab ee Idaacada Warsan oo aqrinayo Yusuf Sheekh Aadan (Qalinle)
Madaxweynaha Dowlad Goboleedka Hirshabeelle Cali Guudlaawe Xuseen ayaa xilkii ka qaaday Wasiir Ku Xigeenka Wasaaradda Caafimaadka iyo Daryeelka Bulshada Dowlad Goboleedka Hirshabeelle Shuceyb Xasan Maxamed, waxaana Xilkaasu uu u Magacaabay Mudane Cabdiraxmaan Cabdi Iidow.
Hoos ka akhriso warqadda Xil ka qaadista
Wararkii ugu dambeyay ayaa sheegaya in ay dabkaasi ku dhinteen ilaa 6 ruux oo Soomaali ah, waxaana ay sababsadeen dabkaasi xoogganaa ee ka kacay magaalada Lyon.
Lixda qof ee dabkaasi ku geeriyooday ayaa kala ahaa hooyo iyo shan caruur ah, waxaana sidoo kale jira dad kale oo ku dhaawacmay dabkaasi
Xeer ilaalinta ayaa baaris ku haysa kiiskan, hase ahaatee waxaa soo baxaya warar sheegaya in dabkani aanu u billaabmin si kama’ ah.
Kormeerkan ay Mas’uuliyiinta Maamulka Gobolka Banaadir sameeyeen arroornimadii hore ee Saakay ayaa ahaa mid isugu jiray islaxisaabtan iyo u kuurgalida xaalada Magaalada.
Agaasimaha Guud ee Nadaafada Iyo Bilic Soo celinta ee Maamulka Gobolka Banaadir Maxamed Suudi ayaa sheegay in Dowladda Hoose ee Xamar ay xoojin doonto howlaha kor loogu qaadayo Bilicda Magaalada.
Guddoomiye ku-xigeenka Howlaha guud ee Maamulka Gobolka Banaadir Xasan Maxamed Jimcaale iyo Xog’hayaha guud ee Gobolka Feysal Carraale Afrax ayaa si wadajir ah ula dardaarmay bulshada Caasimadda.
Hoos ka dhageyso Warka Duhurnimo ee Idaacada Warsan oo aqrinayo Yusuf Sheekh Aadan (Qalinle)
Goolhayaha Argentina Emiliano Martinez ayaa rigoore ka badbaadiyay Kingsley Coman, halka Aurelien Tchouameni uu bannaanka mariyay, taasoo keentay in Argentina ay ku guuleysato koobkeedii ugu horeysay ee adduunka tan iyo 1986. Waa koobki saddexaad oo ay Argentina ku guuleysato.
France ayaa laba gool kasoo kabatay, kuwaas oo ay ciyaarta kusoo celisay bar-bar dhac 90-daqiiqo ee ciyaartay, iyada oo Kylian Mbappe uu laba gool dhaliyay laba daqiiqo gudahood, ayna ku jirtat rigoore daqiiqadii 80aad.
Argentina ayaa qeybtii hore ee ciyaarta 2-0 ku hoggaamineysay, waxaana kala dhaliyay Messi iyo Angel Di Maria.
Hase ahaatee xukuumadda Kyiv ayaa ku gacan saydhay faallada uu bixiyey diblomaasigan Maraykanka ahi, iyaga oo ku tilmaamay intay tahay mid lagu raali gelinayo cidda gardarada wadda, iyaga oo sheegay inaanu jirin heshiis lagu wareejinayo dhulkooda.
Kissinger oo haatan da’diidu ay tahay 99 sano ayaa ka mid ahaa raggii wax ka naqshadeeyey siyaasaddii Maraykanka ee xilligii dagaalka qaboobaa u uku waayahayey Midawgii Soofiyeeti, isaga oo xilligaas ahaa xoghayihii arrimaha debedda ee Madaxweynayaashii Richard Nixon iyo Gerald Ford.
Kissinger ayaa dhawrjeer la kulmay Vladimir Putin, tan iyo markii uu noqday madaxweynaha Ruushka sannadkii 2000.
Wadamada reer galbeedka oo Maraykanku uu ku jiro ayaa ku si weyn u dhaleeceeyey weerarada gardarrada ah ee madaxweyne Putin uu ku qaaday bishii February ee sannadkan, duulaankaas oo ay ku dhinteen kumanaan qof halka ay ku barakaceen malaayiin qof oo kale.
Ruushka ayaa haatan gacanta ku haya, ku dhowaad shan meeloodow meel, dhulka Ukraine.
“Waxaa soo dhowaanayaa xilligii lala iman lahaa qorshe iyo isbedelo istaraatejiyadeed oo hore loo gaadhay iyo in lagu daro qaab dhismeed cusub oo tilmaamaya habka lagu gaadhayo nabadda, iyada oo loo marayo gorgortan” ayuu yidhi Kissinger oo faallo ku qoray majallada The Spectator Magazine.
“Hannaanka nabadeed waa inuu Ukraine ku xidhaa Nato, si kastaba ha ahaatee. Nidaamka ku salaysnaa dhexdhexaadnimo, haatan maaha mid shaqaynaya” ayuu sii raaciyey.
Kissinger ayaa bishii May wuxuu soo jeediyey xabbad joojin, ay shuruudeheeda ka mid tahay, in Ruushku uu ka baxo jiidda hore ee dagaalka, ee ay ku sugnaayeen, ka hor duulaankii February, laakiin Crimea ay noqoto mawduuca laga wada hadlayo.
Xiisada bariga Ukraine ayaa bilaabatay sannadkii 2014-kii kadib markii madaxweyne taageersan Ruushka lagu tuuray xilka dalka Ukraine, halka uu xilligaas Ruushku qabsaday gobolka Crimea, iyadoo gooni u goosadka uu Ruushka taageerona ay dagaalo ka bilaabeen bariga dalka Ukraine.
“Mudane Kissinger weli waxba ma fahmin … sidoo kale [ma fahamsana] dabeecadda dagaalkan, iyo saameynta uu ku leeyahay nidaamka adduunka,” sidaas waxaa sheegay Kaaliyaha madaxweynaha Ukraine Mykhailo Podolyak oo qoraal soo dhigay barta Telegram
Dawladda Ruushka ayaan wax faallo ah arrintan ka bixinin.
Agaasimaha hay’adda sirdoonka Maraykanka ee CIA William Burns oo waraysi bixiyey ayaa sheegay in inkasta oo xiisada ka jira dunidu ay ku soo dhamaadaan wadahadal, haddana qiimaynta ay samaysay hay’adda CIA inay muujinayso, in Ruushku aanay si weyn uga go’nayn inuu galo wadahadalo dhab ah oo lagu soo afjarayo dagaalka.