WARARKA MAANTA

Hoos ka dhageyso Warka Subax ee Idaacada Warsan oo aqrinayo Bilal Hilal Shueb

Baydhabo-{WMN}-Barnaamijka Kulanka Warsan waxaad Caawa kaga boganidoontaan Wareeysiyo aad xasaasi u ah, khudbadiha shirarkii maanta Madaxda Somaliya ay ku qabteen Dalka iyo dibadiisa. waxaa Caawa soo saarey soona jeedinaaya Wariye Mohamuud Ali Abdullahi (Gaabshaa} Dhageysi wanaagsan.

Guddoonka labada Gole ee Baarlamaanka Federaalka Soomaaliya ayaa lagu go’aamiyay in Kalfadhiga 2aad ee Baarlamaanka 11aad uu furmo maalinta Talaadada ah ee ku beegan 15/11/2022.

Baydhowy-{WMN}-Hoos ka dhageyso Warka Fiidnimo ee Idaacada Warsan oo aqrinayo Yusuf Sheekh Aadan

Magaalada Muqdisho, ayaa dadweyne fara badan waxey u galeen safaf isbitaalada, si ay dhiig u bixiyaan maadaama dad farabadan ay jiifaan, kuwaas oo u baahan dhiiga kadib markii ay ku dhaawacmeen qaraxyada.

Tani ayaa ka danbeysay kadib markii shacabka laga dalbadey iney dhiig bixiyaan, maadaama isbitaalada aanay heynin dhiig ay ku shubaan dhaawaca faraha badan ee lasoo gaarsiiyey.

Sidoo kale, Madaxweynaha Soomaaliya, ayaa ka codsadey dadweynaha iney ku deeqaan dhiig, si loo badbaadiyo dadka dhaawaca ah ee deg degga ah u baahan.dhaawacyada.

Mas’uuliyiin ka tirsan dowladda Soomaaliya, ayaa sidoo kale iyana ku deeqay dhiig, iyada oo Maanta xaaladda magaalada muqdisho ay tahay mid ka duwan maalmihii la soo dhaafay

Guddoomiyaha Gobolka Banaadir ahna Duqa Muqdisho, Yuusuf Xuseen Jimcaale Madaale ayaa ka hadlay weerarkii qaraxyada ee ka dhacay magaalada muqdisho, kaas oo ka dhacay Isgoyska Soobe ee magaalada Muqdisho.

Guddoomiye Yuusuf Jimcaale ayaa faray xarrumaha caafimaadka in aysan lacag ka qaadin dadka dhaawacyada iyo kuwa dhiiga ku deeqaya.

“Xarumaha Caafimaadka waxaa la farayaa in aan wax lacag ah laga qaadi karin dadka ay waxyeelada kasoo gaareen weerarkii shalay iyo Bulshada Dhiiga ugu deeqaya dhaawacyada” ayuu yiri Guddoomiye Madaale.

Wuxuu hadalkiisa uu intaasi kudaray inay baaritaan ku sameeynayaan Isbitaalo la sheegay inay lacago ka qaadayaan baaritaanka dadka doonaya inay dhiig u shubaan dhaawacyada

Sidoo kale, Guddoomiyaha ayaa Shacabka Soomaaliyeed ugu baaqay in ay u gurmadaan oo dhiiga u shubaan walaalahooda ee Argagixisada ku gumaaday Isgoyska Soobe.

Ra’iisul Wasaaraha Xukuumadda Federaalka Soomaaliya Xamse Cabdi Barre ayaa Maanta magacaabay guddi ka shaqeeya hawlaha gurmadka ee qaraxii dadka badan ku dhinteen ee Soobe.

Ra’iisul Wasaaraha oo xiganaya qodobada 99 iyo 100 ee Dastuurka KMG ah Jamhuuriyadda Federaalka Soomaaliya, kana jawaabaya baaxadda khasaaraha ka dhashay qaraxii ka dhacay Isgoyska KM5 iyo mudnaanta ay leedahay in daryeel degdeg ah loo fidiyo dhibbanayaashii waxyeelladu ka soo gaartay qaraxyada, wuxuu magacaabay Guddi Heer Qaran ah oo shaqeyn doona tan iyo inta laga soo gabagabeynayo hawlaha gurmadka.

Xubnaha Guddiga Gurmadka oo ka kooban 10 qofood, waxay kala yihiin sidan:

1. Dr. Cali Xaaji Aadan Wasiirka Caafimaadka Guddoomiye
2. Dr. Maxamed Axmed Sh Cali Wasiirka Amniga Gudaha Xubin
3. Faarax Sheekh Cabdiqaadir Wasiirka Waxbarashada Xubin
4. Daa’uud Aweys Jaamac. Wasiirka Warfaafinta Xubin
5. Khadiijo Maxamed Diiriye Wasiirka Haweenka Xubin
6. Abshir Maxamed Axmed Wasiiru dowlaha Madaxtooyada Xubin
7. Xirsi Jaamac Gaani Wasiiru dowlaha Xafiiska RW Xubin
8. Yuusuf Xuseen Jimcaale Guddoomiyaha Gobolka Banaadir Xubin
9. Maxamuud Macallin Cabdulle Guddoomiyaha SODMA Xubin
10. Cabdulqaadir Cabdullaahi Faarax Maareeyaha NEOC Xogheyn

Guddigan uu Ra’iisul Wasaaruhu magacaabay ayaa u xilsaaran waajibaadka soo socda:

1. Hubinta iyo la socodka qasaarihii ka dhashay qaraxii shalay oo taariikhdu aheyd 29/10/2022 ka dhacay Isgoyska Soobe ee Magaalada Muqdisho.
2. Fidinta caawimaad deg deg ah dadkii wax yeeladu ka soo gaartay qaraxyada.
3. Diiwaan gelin iyo baadi goobka dadka la la’yahay.
4. Isku xirka iyo isku dubaridka howlaha Gurmadka

5. Xal u helidda iyo xoojinta adeeg-yada caafimaad ee Isbitaallada Dalka

Baydhowy-{WMN}-Hoos ka dhageyso Warka Galabnimo ee Idaacada Warsan oo aqrinayo Yusuf Sheekh Aadan