Wasiirka Wasaaradda Gaashaandhigga Xukuumadda xilgaarsiinta Cabduqaadir Maxamed Nuur Jaamac ayaa marka hore Ciidamada ugu hambalyeeyay sanad-guuradii 62aad oo ku beegan markii la Aas’aasay oo Maanta ay Ciidamadu u dabaal degayaan.
” Waxaan hambaliyo, salaan, iyo bogaadin ku aaddan munaasabadda 12 April hawada u marinayaa Sarreeyayaasha, Saraakiisha, Saraakiil xigeenada, Alifleyda, Dableyda iyo Jadiidka Ciidanka Xooga Dalka Soomaaliyeed (CXDS), xaasaskooda iyo caruutooda, Sanadguurada 62aad ee aasaasidda CXDS oo ku beegan maanta oo ay taarikhdu tahay 12 Apil 2022 waa maalin weyn oo ay tahay in aan dhamaanteen u wada dabbaaldagno
faraxaddana aan la qeybsanno ciidankeenna sharafta leh ayuu yiri” Wasiirka.
Waxaa uu sheegay in Ciidamada ay yihiin kuwo horfadhiya cadawga, habeen iyo maalinna una shubaan dhiigooda si ay u difaacaan qarannimada Soomaaliyeed ayna Clidamada Qalabka sidaguud ay yihiin hay’ado dastuuri ah oo aan dhicin, waqti ka
dhamaan, oo haysto mandate furan inta uu jiro qaran soomaaliyeed.
Wasiir Cabduqaadir ayaa ka codsaday Ciidamada & taliyeyaashooda in aysan
yeelan sumad iyo ujeedooyin aan aheyn kuwa qaranka ee dastuuriga ah, kana
foojignaadaan ku milanka siyaasadaha is didan ee waqtiga la dhammaan doona, isla markaana ay ka filiraan waajib qaran oo weyn, oo ah in dalka laga ciribtiro
argagixisada, isaga oo mahad celiyay dowladaha aan saaxiibada la ah Soomaaliya ee kala shaqeeya tayeynta Ciidamada.
Xarunta Wasaaradda Gaashaandhigga ayaa waxaa ka socota munaasabad loogu dabaal degayo 62 sano guuradii kasoo wareegtay Aas-aaska Ciidamada xoogga dalka Soomaaliyeed, waxaana ka qeyb galaya Madax kala duwan.