Baydhowy-{WMN}- Taliyaha Ciidanka Xoogga Dalka Gen. Odowaa Yuusuf Raage oo la hadlay Saraakiil & Ciidan katirsan Militariga Soomaaliya ayaa ugu baaqay in ay ballaariyaan howlgallada ka dhanka ah Al-Shabaab ee ka socda Gobollada Dalka
Taliye Odowaa ayaa sheegay in Ciidanka & Saraakiisha hoggaanka u ah in ay sugayaan Shacabka ku nool deegaannada ay ku sugan yihiin Al-Shabaab taasina lagu gaari kari in la ballaariyo howlgallada socda sida uu hadalka u dhigay
Ciidanka ayuu ku bogaadiyay in ay kordhiyaan howlgalladooda waxaana uu ka codsaday in ay ku dulqaataan xaaladaha kala duwan oo ay la kulmayaan inta ay ku guda-jiraan howlgallada sida uu u sheegay Taliyaha Ciidanka Xoogga Dalka
Taliyaha Ciidanka Xoogga Dalka Gen. Odowaa Yuusuf Raage, Wasiirka Gaashaandhigga XFS Cabdulqaadir Maxamed Nuur & Saraakiil kale oo katirsan Dowladda Federaalka ayaa la kulmay Askarta & saraakiisha hoggaaminaysa ee howlgallada kawada Gobolka Hiiraan.
