{WARSANRADIO}Maanta oo ku Beegan Sedexda Bisha May ee Sanadka 2018-ka Waxaa magaalada Baydhabo lagu qabtey Munaasabad lagu xusayay Maalinta Xuriyadda Saxaafada Aduunka oo maanta oo kale ku asteysan.
Munaasabadan oo soo qaban qaabiyey Ururka Saxafiyiinta Qaranka Soomaaliyeed ee NUSOJ,islamarkaana Taageero ka helayay UNSOM,Waxaana Kasoo qeyb galey Wasiirka Warfaafinta Koonfur Galbeed,Wasiirada Haweeenka iyo Xuquuqul Insaanka Koonfur Galbeed,Agaasimaha Tvga Koonfur Gaalbeed,Gudoomiyaha Ururada Bulshada Rayidka,Aqoonyahanada Koonfur Galbeed xubno ka socdey,Xildhibaano Maamulka ka tirsan,Gudoomiyaha Ururka SAWCD,Madaxda Warbaahinta kala duwan ee Koonfur Galbeed ka howlgala iyo Bulshada Magaalada oo xuskaas kasoo qeyb galey.
Xuskan Sedexda May Maalinta Xuriyadda Saxaafada Aduunka oo Baydhabo lagu qabtey waxaa hormuud ka ahaa Gudoomiye ku xigeenka Ururuka Saxafiyiinta Qaranka Soomaaliyeed ee NUSOJ ahna Gudoomiyaha Ururka Saxafiyiinta koonfur Galbeed Muxidiin Xasan Maxamed Muxidiin Xusni.
Fowzi Cabdi-nuur oo ka mid ah Aqoonyahanada Koonfur Galbeed,Cqaadir Sheekh Cali Barako oo Ururada Bulshada Rayidka Koonfur Galbeed hogaaminayo,Gudoomiyaha Ururka SAWCD Marwo Luul Isxaaq Aadan ayaa sheegey in Maalintan ay mudan tahay iney kala qeyb galaan Wariyaasha Koonfur Galbeed Xuska Sedexda May,Waxaana ay dhamaantooda Qireen in Wariyaasha iyo Warbaahinta Soomaaliyeed kaalin weyn ay ka qaateen Horumarka dalka iyo Aduunka ka jira.
Agaasimaha Tv-ga Koonfur galbeed Sheekh Ilyaas Cali Nuur ayaa Sheegey in Wariyaasha Mudnaan lagu siiyo shaqadooda,islamarkaana Xuquuq dooda la dhowro.
Xildhibaan Xasan Balaak iyo Xildhibaan Geney oo ka tirsan barlamaanka Koonfur Galbeed ayaa marka hore uga mahadceliyey Ururka Saxafiyiinta Qaranka Soomaaliyeed oo dadaalkooda aad uga muuqdo Koonfur Galbeed,waxayna sidoo kale Amaaneen Madaxda Ururka Suxufiyiinta Koonfur Galbeed oo iska xil saarey Qabsoomida Munaasabadan.
Wasiirada Haweenka iyo Xaquuqul Insaanka Nadiifo Xaaji Armiye ayaa ka mid aheyd Madaxdii Koonfur galbeed ee xuskan kasoo qeybgaley,waxay sheegtey iney u hambaliyeyneyso dhamaan Wariyaasha Soomaaliyeed,Waxayna Wasiirada iyadoo ka codsatey NUSOJ iyo Ururka Suxufiyiinta Koonfur Galbeed shahaado Sharaf oo lagu dhiira gelinayay Wariyaasha qaar ay gudoonsiiyey kuwaas oo Wiilal iyo Gabdho isugu jira.
Muxidiin Xasan Maxamed Xusni oo ah Gudoomiye ku xigeenka Ururka Suxufiyiinta Qaranka Soomaaliyeed ee NUSOJ ahna Gudoomiyaha Ururka Saxafiyiinta Koonfur galbeed ayaa sheegey in Maalintan ay tahay maalin u gaar ah Wariyaasha Aduunka oo dhan,Wuxuuna Sheegey in Kaalinta NUSOJ markasta ay muuqan doonto.
Wasiirka Wasaarada Warfaafinta iyo Hanuuninta Dadweynaha Ugaas Xasan Cabdi Maxamed oo kasoo qeyb galey Munaasabada ayaa sheegey inuu u mahadclinayo NUSOJ iyo UNSOM barnaamijka iska kaashadey,Wuxuuna uu amaaney kaalinta Wariyaasha Soomaaliyeed gaar ahaana kuwa Koonfur galbeed.
Wasiir Xasan ayaa Sheegey in ka Wasaarad ahaan aad u dhowrayaan Wariyaasha iyo Warbaahinta Koonfur Galbeed,islamarkaana shaqada kala dhaxeysa aay tahay mid aad u wanaagsan,isagoona sanadka kale u rajeeyay wanaag iyo Barwaaqo.
BY:Siidcali Muuse Maxamed (Ateera)
Hoos Kadaawo Sawirada Maanta.