{WARSANRADIO}Wararka naga soo gaaraya xarunta Golaha Shacabka ayaa waxa ay sheegayaan in Gudoomiyaha cusub ee Golaha shacabka Soomaaliya Maxamed Mursal Sheekh Cabdiraxmaan ayaa maanta xilka kala wareegay Guddoomiyihii hore ee Golaha shacabka Soomaaliya Maxamed Sheekh Cismaan Jawaari.
waxa uu ku darayaa in Munaasibad xil wareejinta Gudoonka Golaha shacabka ay ka dhacday xarunta Golaha shacabka,waxaana ka qeybgelay qaar ka mid ah Xildhibaannada Golaha Shacabka kuwaasoo ay ka mid ahaayeen labada guddoomiye ku xigeen.
Gudoomiye Maxamed Mursal ooo madasha ka hadlay ayaa amaan u jeediyay Guddoomiyaha isaga ka horreeyay ee Maxamed Sheekh Cismaan Jawaari.
Dhinaca kale Maxamed Mursal ayaa sheegay in Jawaari uu baarlamaanka soo maamulay xilli aad u adag oo ay wajahayeen caqabado badan isaga oo intaas ku daray in shaqada uu soo qabtay uu ku tilmaami karo naf hurnimo.
Isku soo wada duuboo Gudoomiyaha cusub ballan qaaday in uu wixii talo iyo waayo aragnimo ah weydiin doono Gudoomiyihii isaga ka horreeyay sidoo kalena uu meel isugu keenayo dadka la soo shaqeeyay Guddoomiye Jawaari ee Maamulka Baarlamaanka Federaalka Soomaaliya.
Gudoomiye Maxamed Mursal oo madasha ka hadlay
