Baydhabo Somaliya-{WMN}Weerar dagaal oo gaadma ah ayna soo qaadeen Al-Shabaab oo ka dhacay saldhig militari Ciidanka Maamul Goboleedka ku leeyihiin deegaanka makoodo oo jahada Koofureed kaga began Baydhabo, qiyaastiina u jirta 5KM magaalada, ayaa ay ku dhinteen 5 askari oo ka tirsan Ciidanka KGS.
Fiidkiina bam gacmeed lagu tuuray gudaha xaafadda Isha waxaa ku dhaawacmay laba qof oo shacab ah, kuwaasoo loola cararay dhaawacooda Isbitaalka Baydhabo.
Dhanka kale gaari rakaab ah oo ay saarnaayeen shacab oo ku sii jeeday dhanka Muqdisho ayaa la rasaaseeyay, waxaan ku dhawacmay sedex qof oo ka tirsanaa rakaabkii saarnaa gaariga.
Isu gaynta weeraradii ka dhacay duleedka iyo gudaha magaalada Baydhabo, khasaraha ka dhasay waxaa uu gaaraya shan dhimasho ah oo soo gaartay askarta KGS iyo dhaawaca shan rayid ah oo dhaawaca ku gaaray xaafadda Isha iyo wadada xiriirisa Muqdisho iyo Baydhabo.
