Baydhabo Somaliya{WMN}- Xildhibaan Khadiija Kuweyd oo ka mid ah Baarlamaanka Jubbaland oo ku sugan Magalada Muqdisho ayaa sheegtay inay Magalada Kismaayo igasoo carartay dhibaatooyin ay kala kulantay Madaxda Dowlad Goboleedka Jubbaland.
Waxa ay sheegtay in Dastuurka Maamulka Jubbaland la hareermaray,isla markaana habka loo dhisay Maamulka Jubbaland uu yahay mid qaldan oo dadka qaarkood lagu xaqiray.
Waxa ay sheegtay in dhowr mar ay isku-dayeen inay waxyaabaah qaldan ka saaraan Dastuurka,hayeeshee taasi la diiday,ayna kahor-yimaaeden mas’uuliyiin uu ka mid yahay Madaxweyne kuxigeenka Jubbaland.
“Runtii Maamulka Jubbaland habka uu u dhisan yahay waa mid aan loo dhameyn beelaha qaar xaqooda ayaa lagu tuntay,dad waxbadan ku lahaan jiray ayaa waxyar la siiyay,Xildhibaanada qaar ee doonayay inay dastuurka iyo xeer-hoosaadka Jubbaland iswaafajiyaan waa laga hor-istaagay ayay tiri Xildhibaan Khadiija Kuweyd.
Geba-gabadii ayaa Xildhibaan Khadiija Kuweyd waxa ay sheegtay in loogu hanjabay in xeebta Magalada Kismaayo lagu toogan doono hadii ay joojin weyso ka hadalka qodobo ku jira dastuurka iyo Xeer-hoosaadka Barlamaanka Jubbaland,isla markaana sidaasi ay Magalada Kismaayo uga soo qaxday
