Gudaha xarunta madaxtooyada Koonfur galbeed waxaa ka bilowdey kulamo gaar gaar ah oo looga hadlayo rabshadihii doorashadii ka hor ka dhacay baydhabo iyo Xarigii loo geystey Sheekh Mukhtaar Roobow Abuu mansuur,waxaana kulamadaas hormuud ka ah Gudoomiyaha barlamaanka Soomaaliya Maxamed Mursal Sheekh craxmaan,ku xigeenkiisa koowaad iyo Madaxweynaha Maamulka Casiis xasan Maxamed Lafta gareen.
Kulamada dib u heshiisinta Baydhabo ka socda ayaa lagu bilaabey Odoyaasha dhaqnaka Koonfur galbeed oo si wada jir ah Gudoomiyaha Barlamaanka Soomaaliya oo booqasho ku jooga Baydhabo iyo Madaxweynaha maamulka ula kulmeen,waxaana la isku afgartey in horumarka iyo deganaanshaha bulshada laga shaqeeyo.
Qaar ka mid ah Odoyaasha ayaa aad uga Hadley xariga Sheekh Mukhtaar Roobow,iyagoona codsadey in xal raadinta socda laga bilaabo siideynta Sheekh Mukhtaar Abuu-mansuur.
Madaxweynaha Dowlad Gobaleedka Koonfur Galbeed oo maalintii caleema saarkiisa ku dhawaaqey shirar dib u heshiin inuu ka dhax bilaabayo bulshada Koonfur galbeed,ayaa soo hadal qadey markii ugu horeysey tan iyo markii loo doortey xilka xariga Sheekh Mukhtaar Roobow,isagoona sheegey in Madaxweynaha soomaaliya iyo Gudoomiyaha Barlamaanka kala Hadley sidii loo sii deyn lahaa,dhowaana lagu guuleysan doonto arintaas.
By:Suldaan Bishaar
