Odayaashan ayaa ku eedeeyay gudoomiyaha gudiga doorashada qaranka Xaliimo Yareey in ay xagal daacinayso qabsoomida doorashada kursiga baarlamaanka federaalka Soomaaliya kadib markii ay sida ay sheegeen ka dhega adeegatay in ay qaadato baaqyo ay u jeediyeen oo ku aadanaa in loo madaxbanaaneeyo soo xulista ergada iyo kursiga xildhibaanimo.
Goobta kulanka uu ka dhacayay waxaa ju sugnaa musharixiinta u taagan kursiga xildhibaanka baarlamaanka federaalka Soomaaliya oo kala ah Xasan Macalin Ibraahi Gaabshaa iyo Cabduqadir Afdhuub Sheekh Maxamed Nuur waxayna ka hadleen caqabadaha ku gudban ee dhanka gudiga doorashooyinka qaranka.
Kursigan ayaa horay waxaa uga geeriyooday Alaha u naxariistee Ex. Xildhibaan Khaliif Sheekh Cabdulaahi Khaliif Duureey, waxaana u taagan ilaa sedex Musharax iyadoona lagu wado maalinta Isniinta in la qabto doorashada doorashada kursigan.